 |
| चिकित्सा शिक्षा मंत्री टी.एस. सिंहदेव |
अंजोर.रायपुर। स्वास्थ्य अउ चिकित्सा शिक्षा मंत्री टी.एस. सिंहदेव ह रायपुर, बिलासपुर, कांकेर अउ कोरबा के सरकारी मेडिकल कॉलेज म नवा भवन के बनाये के खातिर सीजीएमएससी (छत्तीसगढ़ मेडिकल सर्विसेस कार्पोरेशन) के अधिकारी मनके बइठक लेके जरूरी निर्देश दिस। ओमन नवा बने वाला भवन के ड्राइंग, डिजाइन अउ आन तकनीकी मानक ल आखरी रूप देके बनाये बुता के खातिर निविदा जारी करे ल किहिन।
चिकित्सा शिक्षा मंत्री सिंहदेव के रायपुर के सिविल लाइन निवास कार्यालय म आयोजित बइठक म सीजीएमएससी के संचालक अउ विधायक डॉ. विनय जायसवाल, चिकित्सा शिक्षा विभाग के सचिव प्रसन्ना आर., आयुक्त श्रीमती नम्रता गांधी, सीजीएमएससी के प्रबंध संचालक चंद्रकांत वर्मा, महाप्रबंधक सुनिसल सिंह, रायपुर के पंडित जवाहर लाल नेहरू चिकित्सा कॉलेज के डीन डॉ. तृप्ति नागरिया अउ डॉ. भीमराव अंबेडकर सुरता अस्पताल के अधीक्षक डॉ. एस.बी.एस. नेताम तको सामिल होइस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।