 |
| राष्ट्रीय विज्ञान दिवस |
अंजोर.रायपुर। मुख्यमंत्री भूपेश बघेल ह प्रदेसवासी के राष्ट्रीय विज्ञान दिवस के मउका म बधाई अउ सुभकामना दीस हावय। बघेल ह राष्ट्रीय विज्ञान दिवस के पहिली संझा म जारी अपन शुभकामना संदेश म किहिन हावय के भारतीय वैज्ञानिक सर चंद्रशेखर वेंकट रमन ह रमन प्रभाव के घोसना करे रिहिस, जेकर खातिर ओला नोबल पुरस्कार ले नवाजा गे रिहिस। उंकर सम्मान म पूरा देश म विज्ञान के प्रति जागरूकता करे के खातिर विज्ञान दिवस मनाये जाथे।
भारतीय वैज्ञानिक सर चंद्रशेखर वेंकट रमन
 |
| राष्ट्रीय विज्ञान दिवस म मुख्यमंत्री भूपेश बघेल दीस सुभकामना |
 |
| राष्ट्रीय विज्ञान दिवस म मुख्यमंत्री भूपेश बघेल दीस सुभकामना |
हमर देश ह विज्ञान के क्षेत्र म बहुत प्रगति करे हावय अउ पूरा विश्व म अपन पहचान बनाये हावय, जेन म पूरा देश के गर्व हावय। मुख्यमंत्री बघेल ह किहिन के समाज म बगरे अंधविश्वास के जड़ ल हटाये के खातिर परिष्कृत सोच अउ वैज्ञानिक दृष्टिकोण जरूरी हावय। विज्ञान हमन ल विश्लेषात्मक सोच के संग जिनगी स्तर म सुधार अउ तरक्की तनि ले जाथे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।