अंजोर.रायपुर। मनेंद्रगढ़-चिरमिरी-भरतपुर कलेक्टर पी.एस. ध्रुव ह 10वीं बोर्ड परीक्षा के जायजा ले खातिर खड़गवा विकासखंड के गांव उधनापुर परीक्षा केंद्र पहुंचिस। उहां ओमन बोर्ड परीक्षा म परीक्षा देवइया के बइठक बेवस्था के मुआयना करिन। कलेक्टर ह परीक्षा केंद्र प्रभारी अउ पर्यवेक्षक ले बोर्ड परीक्षा के बेवस्था के संबंध म गोठबात करिस अउ केंद्र म नकल नी होए के संबंध म दिशा-निर्देश दिस।
कलेक्टर येकर बाद पहिली माध्यमिक स्कूल उधनापुर अउ प्राथमिक स्कूल शिवपुर के आकस्मिक निरीक्षण करिन। कलेक्टर ह ये दुनों स्कूल म लइका ले उंकर पढ़ाई-लिखाई के बारे म विस्तार ले गोठबात के अउ लइका ले सवाल पूछकर उंकर ज्ञान के स्तर तको परखिस। कलेक्टर ह लइका के व्यक्तित्व बनाये म शिक्षा के महत्ता अउ जिनगी म आने वाला चुनौती के हौसला के संग सामना करे के पाठ तको पढ़ाइस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।