भाजपा करही 15 मार्च के विधानसभा घेराव, मोर आवास-मोर अधिकार के गूँजही गोहार

अंजोर.बिलासपुर। प्रदेस म राजनीति फेर एक पइत गरमावत हाबे, राज्य अउ केन्द्र के योजना ल लेके। प्रदेस सरकार ऊपर बड़का आरोप लगावत हाबे भाजपा ह के कांग्रेस के सरकार आये के बाद इहां के लोगन मनला मोर आवास-मोर अधिकार योजना के लाभ नइ मिलत हाबे, रोक के रखे हे कांग्रेस सरकार ह। अउ इही सेती भाजपा प्रदेस अध्यक्ष अरूण साव के अगुवाई म 15 मार्च के विधानसभा घेराव के आगाज करे गे हावय। ये घेराव म प्रदेस के सबो जिला के भाजपा कार्यकर्ता पदाधिकरी, नेता मनला रायपुर चलव, रायपुर चलव के आहवान करे गे हावय। मिले आरो के मुताबिक उहां गूँजही हर आवाज़, अन्याय के खिलाफ़, अत्याचार के खिलाफ़।