आंगनबाड़ी कार्यकर्ता के मानदेय म करे गिस बढ़ोतरी, ...देखव कतका मिलही

अंजोर.रायपुर। प्रदेस म आंगनबाड़ी कार्यकता अउ सहायिका मन खातिर खुसी के बात हाबे। एसो के छत्तीसगढ़ सरकार कोति ले बनाये बजट म मुख्यमंत्री भूपेश बघेल डहर ले आंगनबाड़ी कार्यकर्ता सहायिका मनके मानदेय म बढ़ोतरी करत 10000 रूपिया करे के घोसना करे गे हावय। जानबा होवय के छत्तीसगढ़ के आंगनबाड़ी कार्यकर्ता अउ स​हायिका मन अपने मानदेय म बढ़ोतरी ल लेके पाछू दू महीना ले अनिश्चितकालीन हड़ताल म हावय।

फिलहाल अभी तो ये बजट म घोसना के बात आए, येमा कतका रूपिया केन्द्र सरकार अउ कतका राज्यसरकार के रिही अउ सबसे बड़े बात का प्रदेस के आंगनबाड़ी कार्यकर्ता अउ सहायिका मनला ये मानदेय मंजूर होही ?