भोरमदेव महोत्सव 2023 : कलेक्टर जनमेजय महोबे ह महोत्सव के तइयारी के जायजा लिस

अंजोर.कवर्धा। छत्तीसगढ़ के ऐतिहासिक, पुरात्तविक, धार्मिक, पर्यटन अउ जन आस्था के केन्द्र के नाम ले आयोजन होवइया भोरमदेव महोत्सव के तइयारी जोरो म हावय। कलेक्टर जनमेजय महोबे ह भोरमदेव महोत्सव 2023 के तियारी के जायजा लिस। भोरमदेव महोत्सव के आयोजन 19 अउ 20 मार्च दू दिन के होही। ए दू दिवसीय महोत्सव के मंच म छत्तीसगढ़ के कला-संस्कृति के छंटा दिखही संग ही संग बॉलीवुड के उभरते सिंगर तको अपन कला के शानदार प्रस्तुति दिही।

भोरमदेव महोत्सव सांस्कृतिक कार्यक्रम-

भोरमदेव महोत्सव के पहिली दिन 19 मार्च के बैगा नृत्य मोहतु बैगा अउ संगी गांव बारपानी बोड़ला, जिला के स्कूली लइका के कार्यक्रम, रजउ साहू जरहा नवागांव बोड़ला छत्तीसगढ़ी लोक संगीत, श्रीमती पूर्णश्री राउत रायपुर ओडिसी नृत्य, श्रीमती ऋतु वर्मा भिलाई पंडवानी, जाकिर हुसैन कोरबा सुगम संगीत बॉलीवुड फेम अउ सुनिल तिवारी रायपुर छत्तीसगढ़ी लोक गीत मुख्य आकर्षक के केन्द्र होही।

उहे आन दिन 20 मार्च के समापन आयोजन म जिला के स्कूली लइका के कार्यक्रम, डॉ. नीता राजेन्द्र सिंह खैरागढ़ कत्थक नृत्य, गुरूदास मानिकपुरी बोड़ला छत्तीसगढ़ी लोक संगीत, सुश्री अंशिका चौहान भाटापारा सुगम संगीत, पंडित गोलू दिवाना दुल्लापुर कवर्धा लोक संगीत, सुश्री इशिता विश्वकर्मा अउ ग्रुप मुम्बई सारेगामापा विजेता वॉलीवुड फेम सिंगर अउ श्रीमती अल्का चंद्राकर रायपुर छत्तीसगढ़ी लोकगीत के महफिल ले महोत्सव के मंच सजही।

कलेक्टर जनमेजय महोबे ह आयोजन के तइयारी के खातिर अपन पूरा प्रशासनिक अधिकारी मनके टीम के संग जुटे हावय। भोरमदेव महोत्सव के दू दिन तक होवइया मंदिर म बिसेस पूजा अर्चना के तइयारी के खातिर  अधिकारी मनला जिम्मेदारी दे गे हावय। ये दू दिन म मंदिर म शिव जी के बिसेस श्रृंगार, भस्म आरती अउ रूद्राभिषेक होही। जुन्ना सरोवर म दीप दान तको होही। निरीक्षण के बखत जिला पंचायत सीईओ संदीप कुमार अग्रवाल, अपर कलेक्टर इंद्रजीत बर्मन, एसडीएम कवर्धा पी.सी. कोरी, बोड़ला संदीप ठाकुर, समिलहा कलेक्टर डॉ. मोनिका कौड़ो, डिप्टी कलेक्टर संदीप ठाकुर सहित जिला अधिकारी उपस्थित रिहिस।