अंजोर.रायपुर। मुख्यमंत्री भूपेश बघेल के घोसना के मुताबिक 23 मार्च 2023 दिन बिरस्पत के चेट्रीचंड्र (चैतीचांद) महोत्सव के खातिर राज्य के सबो नगर निगम अउ नगर पालिका क्षेत्र म सामान्य छुट्टी रइही। ए संबंध म छत्तीसगढ़ शासन के सामान्य प्रशासन विभाग डहर ले सामान्य छुट्टी के अधिसूचना जारी करे गे हावय।
ए बखत राज्य म सबो बैंक अउ आन सरकारी वित्तीय संस्था, कोषालय, उप कोषालय, सहकारी बैंक उक खुले रइही। नया रायपुर के सबो सरकारी कार्यालय खुले रइही। प्रदेस के ग्रामीण क्षेत्र म तको सबो सरकारी कार्यालय खुले रइही।
मिले आरो के मुताबिक स्कूल शिक्षा विभाग डहर ले ए संबंध म एक आदेश जारी करत साफ करिन हावय के सबो स्कूल म 23 मार्च के पहिली ले करार परीक्षा पहिली जइसे रइही। अऊ आन मनके खातिर 23 मार्च चेट्रीचंड्र (चैतीचांद) महोत्सव के छुट्टी रइही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।