छत्तीसगढ़ माध्यमिक शिक्षा मंडल बोर्ड परीक्षा म नकल रोके बर उड़नदस्ता

अंजोर.रायपुर। छत्तीसगढ़ माध्यमिक शिक्षा मंडल डहर ले बोर्ड परीक्षा व्यवस्थित रूप ले संचालित करे जात हावयं। पढ़ईया मन के सुविधा के खातिर परीक्षा केन्द्र म सबो इंतजाम करे  गे हावयं। नकल के प्रकरण के रोकथाम के खातिर सबो जिला  म उड़नदस्ता बनाए गे हावयं।

छत्तीसगढ़ माध्यमिक शिक्षा मंडल के सचिव प्रोफेसर व्ही. के. गोयल ह बताइन के हायर सेकेण्डरी के परीक्षा 01 मार्च ले अउ हाई स्कूल के परीक्षा 02 मार्च ले सुरू हो चुके हावयं। हाई स्कूल के 02 मार्च के हिन्दी विषय के परीक्षा सम्पन्न होइस। ओमन बताइन के मंडल के पोर्टल म एंट्री के मुताबिक परीक्षा म कुल 3 लाख 35 हजार 152 परीक्षा देवइया पंजीकृत रिहिस। जांजगीर जिला के सरकारी बालक स्कूल नवागढ़ म तीन नकल प्रकरण के सूचना मंडल के पोर्टल म मिलिस हावय। हाई स्कूल के परीक्षा म 6 हजार 539 परीक्षा देवइया परीक्षा म अनुपस्थित रिहिन।