फोर्टिफाइड चाउंर प्लास्टिक नइ बल्कि पोषक तत्व ले भरे हावय, अप्रैल ले मिलही

अंजोर.अम्बिकापुर। राज्य शासन के फइसला मुताबिक राष्ट्रीय खाद्य सुरक्षा अधिनियम के तहत अंत्योदय, प्राथमिकता, एकल निःशक्तजन, राशनकार्डधारी के महीना अप्रैल 2023 ले फोर्टिफाइड चाउंर के बाटे करिन जाही। फोर्टिफाइड चाउंर प्लास्टिक चाउंर बिलकुल नइ हावय बल्कि ये सूक्ष्म पोषक तत्व ले भरपूर हावय। एला पकाने अउ उपयोग करे के तरीका सामान्य चाउंर के जइसे ही हावय।

खाद्य अधिकारी ह बताइन के फोर्टिफाइड चाउंर म पोषक तत्व के कमी के पूर्ति बर चाउंर फोर्टिफिकेशन सूक्ष्म पोषक तत्व के पूर्ति के प्रयास करे जात हावय। फोर्टिफाइड चाउंर म सूक्ष्म पोषक तत्व के तहत आयरन, जिंक, फोलिक एसिड, विटामिन-12, विटामिन-ए सामिल होवत  हावय। संग ही ये चाउंर एनीमिया अउ कुपोषण जइसे बीमारी दूरिहा करे म सहायक हावय।