अंजोर.राजनांदगांव। आयुष विभाग छत्तीसगढ़ शासन डहर ले 18 मार्च 2023 के बिहनिया 10 बजे ले संझा 4 बजे तक लोहाणा महाजन बाड़ी स्टेशन रोड राजनांदगांव म एक दिवसीय जिला स्तरीय नि:शुल्क आयुष स्वास्थ्य मेला के आयोजन करे जाही। शिविर म महापौर श्रीमती हेमा देशमुख, उपाध्यक्ष छत्तीसगढ़ राज्य अल्पसंख्यक आयोग हफीज खान सहित आन जनप्रतिनिधि उपस्थित रइही। मेला म आयुर्वेद, होम्योपैथी अउ यूनानी चिकित्सा पद्धति डहर ले सबो रोग जइसे सर्दी, खांसी, बुखार, लहू के कमी, शरीर अउ हाथ-पैर म दर्द, पेट संबंधी समस्या, चर्मरोग, कमजोरी अउ बिसेस रूप ले महिला मन अउ लइका ल होवइया सबो रोग के नि:शुल्क चिकित्सा अउ दवई के बाटे जाही। जिला आयुर्वेद अधिकारी डॉ. रमाकान्त शर्मा ह नागरिक ले जादा ले जादा संख्या म उपस्थित होके शिविर के फायदा ले के अपील करे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।