केशोडार अंधा कत्ल के गुत्थी सुलझाइस गरियाबंद पुलिस, पति ही निकलिस हत्यारा

अंजोर.गरियाबंद। थाना सिटी कोतवाली गरियाबंद क्षेत्रान्तर्गत गांव केशोडार जिहां सुना मकान ले लगे हावयण्ड पम्प म पानी भरे बर गे ग्रामिण महिला मन के तेज दुर्गन्ध आए म गांव प्रमुख ल बताइन गे जेकर डहर ले जाके देखे म एक अज्ञात महिला के शव सड़े-गले हालत म होए के सूचना थाना सिटी कोतवाली गरियबांद ल दीस। घटना जगह संदिग्ध प्रतीत होए के सेती एफ एस एल यूनिट रायपुर के सूचित करके कोतवाली पुलिस के संग बिसेस टीम बनाके घटना जगह के बारीकी ले निरीक्षण अउ शव निरीक्षण/पंचनामा कार्यवाही करे गिस।

शव पंचनामा कार्यवाही म आस पास के गांव वाला के डहर ले मृतिका के पहचान खुश सोरी के पत्नी सोनकुमारी कमार के रूप म करे गिस। जेकर बाद शव के पी0एम0 जिला अस्पताल गरियाबंद म कराइन।  फॉरेंसिक एक्पर्ट के अभिमत अउ पी.एम. रिपोर्ट के आधार म मृतिका सोनकुमारी के मउत नाक अउ मुंह के दबा करके  हत्या करना पाइस। जेकर आधार म कोतवाली गरियाबंद म धारा 302आईपीसी के अपराध पंजीबद्ध करे गिस।

विशेष टीम के डहर ले आस-पास के लोगन ले अउ मृतिका के पति परसन सोरी ले पुछताछ करे गिस।  पुछताछ बखत परसन सोरी डहर ले गोल-मोल जवाब देके पुलिस के गुमराह करे अउ बार बार अपन बयान बदले के करण शक अउ गहरा होवत  गिस।

परसन सोरी के हिरासत म लेके कड़ाई ले पुछताछ करे म अपन जुर्म स्वीकार करिन अउ बताइन के 12-13 मार्च के दरम्यानी रतिहा म सोनकुमारी कमार के संग दारू पीये के खातिर पइसा मांगे के बात के लेके  झगरा होइस इही झगरा के चलत पास म रखे गमछा ले पत्नी सोन कुमारी के नाक मुंह के जोर ले दबाके हत्या करके दीस अउ हत्या के बाद शव के उहें छोड़के भागगे।  आरोपी के डहर ले घटना म प्रयुक्त गमछा ल पेश करे म गवाह के तीर जप्त करे गिस। आरोपी परसन सोरी ल गिरफ्तार करके न्यायिक रिमाण्ड म माननीय न्यायालय भेजे गिस।   मामला ल सुलझाये म एफ एस एल यूनिट रायपुर, स्पेशल टीम अउ कोतवाली पुलिस गरियाबंद के बिसेस भूमिका रिहिस।