भारतीय पुलिस सेवा के प्रशिक्षु अधिकारी मन मुख्यमंत्री ले करिस मुलाकात

अंजोर.रायपुर। मुख्यमंत्री भूपेश बघेल ले विधानसभा कार्यालय कक्ष म नेताजी सुभाष चंद्र बोस राज्य पुलिस अकादमी चंदखुरी के निदेशक रतनलाल डांगी के अगुवई म भारतीय पुलिस सेवा के प्रशिक्षु अधिकारी मन मुलाकात करिस। 

मुख्यमंत्री ह  अधिकारी मनला बधाई देत उंकर ले प्रशिक्षण के जानकारी लिस अउ ओला अभी के बेरा चुनौति, अपराध अउ साइबर क्राइम के प्रति सचेत रहत पूरा निष्ठा ले कर्तव्य निर्वहन करे के बात कहिन। ए मउका म भारतीय पुलिस सेवा 2021 बैच ले आकाश कुमार शुक्ला, अमन कुमार रमनकुमार झा, रविन्द्र कुमार मीणा, रोहित कुमार शाह अउ उदित पुष्कर, 2020 बैच ले चिराग जैन अउ उमेश प्रसाद गुप्ता उपस्थित रिहिस।