भारतीय राजस्व सेवा के प्रशिक्षु अधिकारी मन ह राष्ट्रपति ले मुलाकात करिस

Indian Revenue Service Officer

अंजोर.नई दिल्ली। भारतीय राजस्व सेवा के 76वां बैच के प्रशिक्षु अधिकारी अउ केंद्रीय लोक निर्माण विभाग (2020 अउ 2021 बैच) के सहायक कार्यकारी अभियंता ह राष्ट्रपति भवन म राष्ट्रपति श्रीमती द्रौपदी मुर्मु ले मुलाकात करिस।

भारतीय राजस्व सेवा के प्रशिक्षु  अधिकारी मनला सम्बोधित करत राष्ट्रपति ह किहिन के सरकार बर प्रत्यक्ष कर के संकलन करे बहुत महत्त्वपूर्ण जुमेदारी हावय, जेकर खातिर गजब दक्षता अउ पारदर्शिता के जरूरत हावय। सरकार ये कर के विकास परियोजना म खरचा करत हावय अउ नागरिक के कल्याण सुनिश्चित करत हावय। सरकार बर संसाधन जमा करे म आईआरएस  अधिकारी मनके अहम भूमिका हावय अउ ए रकम ले वो ह आधार तइयार होवत  हावय, जेन म शासन के आन ढांच बनत हावय। राष्ट्रपति ह प्रशिक्षु  अधिकारी मनला सलाह दीस के करदाता न सिरिफ राजस्व के स्रोत हावयं, बल्कि वो राष्ट्र-निर्माण म हमर साझीदार तको हावयं। ओमन  अधिकारी मनले गेलौली करिन के वो अइसे माहौल तइयार करें, जेन करके संकलन अउ करदाता, दुनों बर सहायक अउ मित्रवत हो।

सहायक कार्यकारी अभियंता ल सम्बोधित करत राष्ट्रपति ह किहिन के सीपीडब्लूडी सार्वजनिक इमारत, सरकारी कार्यालय अउ घर के बनाये अउ रखरखाव बर जिम्मेदार हावय। जेन लोगन प्रशासन अउ शासन चलाते हावयं उंकर कारगर कामकाज बर तको जेन आन परियोजना बुनियादी हैसियत रखत हावयं, उंकर जुमेदारी तको सीपीडब्लूडी म हावय। राष्ट्रपति ह किहिन के भारत के तेज प्रगति के सेती सड़कों, राजमार्ग, हवाई अड्ड जइसे सार्वजनिक परियोजना अउ अस्पताल, शिक्षा संस्थान अउ सरकारी दफ्तर जइसे जन संस्था मन के मांग म तेजी आये हावय। ओमन किहिन के सीपीडब्लूडी  अधिकारी मनव सहायक कार्यकारी अभियंता के लक्ष्य होना चाहिये के वो अइसे सुविधा के बनाये करें, जेन न सिरिफ अभी के बेरा के जरूरत के पूरा करें, बल्कि आने वाला पीढ़ी बर तको सतत भविष्य सुनिश्चित करें। राष्ट्रपति ह उंकर ले गेलौली करिन के वो परियोजना के जादा ऊर्जा-दक्ष, सतत अउ वातावरण-अनुकल बनाये बर अभिनव तरीका के पड़ताल करें।