अंजोर.रायपुर। इंदिरा गांधी कृषि विश्वविद्यालय के पढ़ईया मन ह भारतीय कृषि अनुसंधान परिषद डहर ले कृषि विज्ञान विश्वविद्यालय, बंगलोर म आयोजित 21वीं अखिल भारतीय अन्तर कृषि विश्वविद्यालयीन युवा सांस्कृतिक महोत्सव (एग्री यूनिफेस्ट) म लोक नृत्य प्रतियोगिता म पहिली ठऊर हासिल करे स्वर्ण पदक हासिल करे हावय। इंदिरा गांधी कृषि विश्वविद्यालय के पढ़ईया मन लोक नृत्य प्रतियोगिता म छत्तीसगढ़ के लोकप्रिय पारंपरिक पंथी नृत्य प्रस्तुत करिन। 21वीं अखिल भारतीय अन्तर कृषि विश्वविद्यालयीन युवा सांस्कृतिक महोत्सव म इंदिरा गांधी कृषि विश्वविद्यालय के पढ़ईया मन के 31 सदस्यीय दल ह भाग लिस।
ए युवा सांस्कृतिक महोत्सव म नृत्य, गायन, कला साहित्य अउ नाट्य विधा म लगभग 20 आने-आने प्रतियोगिता के आयोजन करे गे रिहिस। युवा सांस्कृतिक महोत्सव म आयोजित नाट्य विधा के ले स्किट प्रतियोगिता म तको विश्वविद्यालय के दल के चतुर्थ ठऊर मिलिस। इही रकम ले कला विधा के अन्तर्गत पोस्टर मेकिंग प्रतियोगिता म कृषि कॉलेज बिलासपुर के पढ़इया लइका वैदेही देवांगन ल चतुर्थ ठऊर मिलिस। लइका मनके दल के वापस लौटे म उंकर रायपुर रेलवे स्टेशन आत्मीय स्वागत करे गिस। विजेता भाग लेवइया मन ह अधिष्ठाता पढ़ईया कल्याण डॉ. संजय शर्मा के अगुवई म कुलपति डॉ. गिरीश चंदेल ले सौजन्य मुलाकात करके ओला मिले पुरस्कार के बारे म जानकारी दीस। कुलपति डॉ. गिरीश चंदेल ह दल के सबो पढ़ईया मन के सम्मानित करिन। ओमन लोक नृत्य समूह के विद्यार्थयों के संग-साथ दल म सामिल सबो सदस्य मन के बधाई अउ सुभकामना देत होइस भविष्य म अउ तको बढि़या प्रदर्शन करे के आशा व्यक्त करिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।