पारंपरिक लोक संगीत के संग होइस कुदरगढ़ महोत्सव के आगाज

अंजोर.सूरजपुर। सूरजपुर अंचल के अधिष्ठात्री देवी मां बागेश्वरी के धाम म  तीन दिवसीय कुदरगढ़ महोत्सव के इतवार देर संझा लोक पारंपरिक गीत मन के संग आगाज होगे। स्कूल शिक्षा मंत्री डॉ. प्रेमसाय सिंह टेकाम ह कुदरगढ़ महोत्सव के सुरू करिन। पहिली दिन ख्याति मिले कलाकार मन डहर ले आने-आने विधा मन म प्रस्तुत सुरमयी गीत-संगीत ह समां बांध दीस। महोत्सव म पारंपरिक लोक संगीत के धुन के अलावा क्लासिकल डांस अउ भजन म लोगन झूमते रिहिन। संसदीय सचिव परसनाथ राजवाड़े ह सुरू समारोह के अध्यक्षता करिस।

स्कूल शिक्षा मंत्री डॉ. प्रेमसाय सिंह टेकाम, संसदीय सचिव पारसनाथ राजवाड़े ह अंचल के लोगन के चइत नवरात्रि परब के बधाई अउ सुभकामना दीस। डॉ. टेकाम ह ए मउका म सूरजपुर अंचल के अधिष्ठात्री देवी मां बागेश्वरी ले प्रदेसवासी के सुख-समृद्धि के खातिर आशीर्वाद मांगा। महोत्सव के उद्घाटन मउका म छत्तीसगढ़ राज्य उर्दू बोर्ड के सदस्य इस्माइल खान, जिला पंचायत उपाध्यक्ष नरेश राजवाड़े, श्रीमती भगवती राजवाड़े, डीडीसी, बीडीसी, जनप्रतिनिधि गण, कलेक्टर सुश्री इफ्फत आरा, पुलिस अधीक्षक रामकृष्ण साहू, एसईसीएल महाप्रबंधक अमित सक्सेना, जिला पंचायत सीईओ सुश्री लीना कोसम, कुदरगढ़ मेला समिति के अध्यक्ष भुवन भास्कर प्रताप सिंह, ट्रस्ट के सदस्य, नागरिक गण, प्रशासनिक अउ पुलिस विभाग के अधिकारी उपस्थित रिहिस।

महोत्सव के पहिली दिन नृत्यांगना डॉ. पूर्णाश्री राउत ह ओडिसी डांस, नन्हा सितारा ओम अग्रहरि ह प्रस्तुती दीस। इही रकम ले नासिर खान ह सूफी गायन, बीजीएम म्यूजिकल ग्रुप, भजन सम्राट दिलीप षडंगी ह आमा पान के पतरी, करेला पान के दोना गायन के प्रस्तुति दीस। महोत्सव म राज्य के ख्याति मिले कलाकार मन ह पारंपरिक लोक-संगीत के माध्यम ले समां बांधा। तीसर दिन कुदरगढ़ महोत्सव के समापन मउका म पारंपरिक नृत्य, मानस मंडली अउ विविध खेलकूद प्रतियोगिता के आयोजन करे जाही।