कानूनी जागरूकता शार्ट फिल्म प्रतियोगिता

अंजोर.जगदलपुर। न्याय विभाग भारत सरकार अउ राष्ट्रीय विधिक सेवा प्राधिकरण नवा दिल्ली के समिलहा तत्वावधान म संचालित करे जात दिशा स्कीम ले ए साल के शार्ट फिलिम प्रतियोगिता के आयोजन जगदलपुर म करे जाही। ए प्रतियोगिता म 05 ले 10 मिनट के बखत के शार्ट फिलिम न्याय विभाग अउ राष्ट्रीय विधिक सेवा प्राधिकरण नवा दिल्ली के दिशा स्कीम थीम म तइयार करके 31 मार्च, 2023 तक जिला विधिक सेवा प्राधिकरण या छत्तीसगढ़ राज्य विधिक सेवा प्राधिकरण म आमंत्रित करे गे रिहिस, जेकर तिथि के 13 अप्रैल 2023 तक के खातिर बढ़ाये गे हावय। ए प्रतियोगिता म भाग ले वाला इच्छुक भाग लेवइया अपन लघु फिलिम ल सीलबंद लिफाफे म ये तिथि तक जमा कर सकत हावयं।

प्रतियोगिता म कोनो शासकीय, अर्धशासकीय विभाग, निजी व्यक्ति, संगठन या कोनो तको संस्था भाग ले सकत हावय। ए प्रतियोगिता म भाग ले वाला भाग लेवइया मन ल प्रथम, दूसरइया अउ तीसरा पुरस्कार ले पुरस्कृत करे जाही। येकर अलावा कानूनी जागरूकता ले संबंधित आन शार्ट फिलिम (दिशा अउ आन विषय पर) गैर प्रतियोगिता वर्ग म जमा कर जा सकत हावय, इंकर तको प्रदर्शन करे जा सकही। ए संबंध म विस्ता्र ले जानकारी के खातिर छत्तीसगढ़ राज्य विधिक सेवा प्राधिकरण या जिला विधिक सेवा प्राधिकरणों के कार्यालयीन समय म संपर्क करे जा सकत हाबे।

जानबा हो के दिशा स्कीम के ले मोबाईल अउ वीडियो के माध्यम ले अउ जन सूचना केन्द्र (कॉमन सर्विस सेंटर) के माध्यम ले विधिक मदद उपलब्ध कराये के बुता छत्तीसगढ़ राज्य के सबो जिला विधिक सेवा प्राधिकरण म करे जात हावय अउ येकर खातिर सबोच जिला बर एक-एक टेली वकील तको नियुक्त करे गे हावय। स्कीम के संबंध म विस्ता्र ले जानकारी के खातिर छत्तीसगढ़ राज्य विधिक सेवा प्राधिकरण के वेबसाईट www.cgslsa.gov.in  म देखे जा सकत हावय अउ शशांक शेखर दुबे, विधिक मदद अधिकारी मोबाइल नंबर +91-9131525540 ले संपर्क करे जा सकत हाबे।