अंजोर.रायपुर। छत्तीसगढ़ म मनरेगा (महात्मा गांधी राष्ट्रीय ग्रामीण रोजगार गारंटी अधिनियम) मजदूर के 1 अप्रैल 2023 ले रोज 221 रूपिया के मजदूरी मिलही। केंद्रीय ग्रामीण विकास मंत्रालय डहर ले मनरेगा के ले वित्तीय साल 2023-24 के खातिर राज्यवार रोज मजदूरी के दर के राजपत्र म प्रकाशन करके दे हावय।
मनरेगा के तहत काम करे वाला अकुशल हस्त कर्मकार बर छत्तीसगढ़ के खातिर 221 रूपिया रोज के मजदूरी तय के गे हावय। ये नवा दर 1 अप्रैल 2023 ले प्रभावी होही। केन्द्रीय ग्रामीण विकास मंत्रालय डहर ले चालू वित्तीय साल 2022-23 के खातिर 204 रूपिया मजदूरी दर करार रिहिस। अवइया वित्तीय साल के खातिर एमे 17 रूपिया के बढ़ोतरी करे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।