मुख्यमंत्री कन्या बिहाव योजना : हिन्दू, मुस्लिम, इसाई अउ आदिवासी रीति रिवाज ले 27 जोड़ा नवदंपति बनिस हमसफ़र

अंजोर.बीजापुर। छत्तीसगढ़ शासन के जरूरी योजना मुख्यमंत्री कन्या बिहाव योजना के गरिमामय आयोजन उसूर ब्लाक के आवापल्ली म संपन्न होइस। जिहां 02 जोड़े हिन्दू, 04 इसाई, 01 मुस्लिम अउ 20 जोड़े आदिवासी नवदंपति ह अपन-अपन धार्मिक, सामाजिक रीति रिवाज अउ परंपरा मुताबिक एक आन के हमसफ़र बने। ए मउका मुख्य पहुना क्षेत्रीय विधायक अउ बस्तर विकास प्राधिकरण के उपाध्यक्ष विक्रम शाह मंडावी, जिला पंचायत अध्यक्ष शंकर कुड़ियम, उपाध्यक्ष कमलेश कारम जिला पंचायत अउ बस्तर विकास प्राधिकरण के सदस्य श्रीमती नीना रावतिया उद्दे, छत्तीसगढ़ राज्य युवा आयोग के सदस्य प्रवीण डोंगरे, बीजहा निगम के सदस्य इम्तियाज खान, जिला पंचायत सदस्य सोमारू कश्यप, सरिता चापा, जनपद अध्यक्ष अनिता तेलम सहित सहित सीईओ जिला पंचायत रविकुमार साहू जिला परियोजना अधिकारी महिला अउ बाल विकास लुपेन्द्र महिनाग एसडीएम उसूर मनोज बंजारे सहित जनप्रतिनिधी मन अउ अधिकारी कर्मचारी मन ह नव दंपति के सुखद वैवाहिक जिनगी के शुभ आशीर्वाद दिस।

ए मउका म विधायक विक्रम मंडावी ह प्रदेस के मुखिया भूपेश बघेल के धन्यवाद देत होइस किहिन के हजारों माता.पिता के अपन लइका के बिहाव के संसो रिथे हावय फेर आर्थिक रुप ले सक्षम नइ होए के सेती अउ वैवाहिक आयोजन जादा खर्चीला होए ले समस्या के सामना करे परत हावय। ये परिवार के खातिर मुख्यमंत्री कन्या बिहाव योजना सहारा बनत हावय। माता.पिता अउ वर-वधु म उत्साह देखे के मिले  जेन ए योजना ले लाभान्वित होइसशासन फोकट म बिहाव करा रेहे हावय। आर्थिक बोझ ले मुक्ति मिल रेहे हावय विधायक विक्रम मंडावी ह किहिन जेन रकम ले ले आवापल्ली म बिहाव समारोह होइस वो ह सामाजिक, धार्मिक सद्भावना अउ समरसता एक मिशाल हावय काबर के सबो नवदंपति ह अपने.अपने रीतिरिवाजों के अन्तर्गत एक आन के जीवनसाथी बने हावय।