प्रधानमंत्री भारतीय जन औषधि परियोजना ह इलाज के खरचा ले लोगन कराइस निसफिकिर : प्रधानमंत्री

प्रधानमंत्री भारतीय जन औषधि परियोजना

अंजोर.नई दिल्‍ली। प्रधानमंत्री नरेन्द्र मोदी ह किहिन के भारतीय जन औषधि परियोजना (pm jan aushadhi yojana) के उपलब्धि काफी संतोसी हावयं। मोदी ह किहिन के ए योजना ले न सिरिफ इलाज के खरचा ल लेके देश के करोड़ों लोगन के संसो दूरिहा होए हावयं, बल्कि उंकर जिनगी तको आसान होइस।

pm jan aushadhi yojana day

केंद्रीय रसायन अउ खातु मंत्री डॉ. मनसुख मांडविया ह ट्वीट करके बताइन के पांचवां जन दवई दिवस देशभर म मनाये जात हावय। ए योजना ह भारत के आम लोगन के जिनगी म सोज सकारात्मक प्रभाव डारे हावय। देश के 12 लाख ले जादा निवासी रोज जन औषधि केन्द्र ले दवई खरीदत हावयं। इहां मिलत दवई बाजार के कीमत ले 50 ले 90 परतिसत तक सस्ती हावयं।

प्रधानमंत्री भारतीय जन औषधि परियोजना भारत सरकार डहर ले सुरू करे गे एक अइसे योजना हावय, जेन कम आमदनी वाला लोगन ल सस्ती दवई उपलब्ध कराये के खातिर सुरू करे गे हावय। ए योजना के तहत, सरकार ह अपन जन औषधि स्टोर के स्थापना करे हावय जिहां ओमन आम जनता ल सस्ती दवई मन के विविधता दे हावय।

ए योजना के उद्देश्य, कम आमदनी वाला लोगन के खातिर उपलब्ध दवई मन के विविधता ल बढ़ाना अउ जादा ले जादा लोगन के दवई मन के उपलब्धता तक पहुंचे म मदद करना हावय। ये योजना उन लोगन ल फायदा दे हावय, जेन अपन रोग के इलाज स्वतंत्र रूप ले नइ करे सकत रिहिस।

ए योजना के तहत, देशभर म करीब 9000 जनऔषधि स्टोर स्थापित करे गे हावयं। ये स्टोर म, सस्ती दवई अउ आन जरूरी चिकित्सा सामान उपलब्ध होवत हावय।