 |
| पंडित रविशंकर शुक्ल विश्वविद्यालय |
अंजोर.रायपुर।आजादी के अमृत महोत्सव ले पंडित रविशंकर विश्वविद्यालय के इतिहास अध्ययन शाला म 17 मार्च ले 19 मार्च 2023 तक तीन दिवसीय राष्ट्रीय संगोष्ठी के आयोजन करे जाही। ए संगोष्ठी म राष्ट्रीय आंदोलन के आने-आने धारा सुभाष चंद्र बोस अउ आजाद हिन्द फौज के बिसेस संदर्भ म विषय म 10 राज्य के 25 रिसोर्स पर्सन अपन व्याख्यान दिही अउ 85 शोध पाती पढ़े जाही।
संगोष्ठी के सुरू 17 मार्च के मंझनिया 11.30 बजे पहिली कुलपति इंदिरा गांधी राष्ट्रीय मुक्त विश्वविद्यालय नवा दिल्ली के प्रोफेसर रविन्द्र कुमार मुख्य आतिथ्य अउ पंडित रविशंकर विश्वविद्यालय रायपुर के कुलपति प्रोफेसर केशरी लाल वर्मा के अध्यक्षता म करे जाही। संचालक तकनीकी शिक्षा छत्तीसगढ़ शासन रायपुर अवनीशरण बिसेस पहुना के रूप म अउ प्राध्यापक अउ अध्यक्ष इतिहास विभाग मगध विश्वविद्यालय बोधगया प्रोफेसर मुकेश कुमार आधार वक्तव्य प्रस्तुत करही।
ए राष्ट्रीय संगोष्ठी के संयोजक डॉ. डिश्वर नाथ खुंटे, वरिष्ठ सहायक प्राध्यापक पंडित रविशंकर विश्वविद्यालय इतिहास अध्ययन स्कूल ह बताइन के अभी के बेरा म पूरा देशभर म आजादी के अमृत महोत्सव मनाये जात हावय। इही कड़ी म देश के महान देशभक्त, वीर सपूत नेताजी सुभाष चंद्र बोस के राष्ट्रीय आंदोलन म योगदान अउ आजाद हिन्द फौज के उत्कृष्ट बुता के देश के तीर लाने के काम करे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।