अंजोर.बिलासपुर। प्रधानमंत्री किसान सम्मान निधि योजना के फायदा ले के खातिर जिला के किसान मन के अपन कृषि भूमि के सत्यापन, आधार कारड के बैंक खाते ले लिंक के संग ही ईकेवाईसी करवाना अनिवार्य हावय। भूमि सत्यापन (लैंड सिंडिंग) के खातिर किसान अपन राजस्व अभिलेख बी 1, पी 2, आधार कारड अउ बैंक खाता के छायाप्रति के संग अपन क्षेत्र के ग्रामीण कृषि विस्तार अधिकारी ले संपर्क करके भूमि के सत्यापन करा सकत हावयं। बैंक खाता के आधार ले लिंक कराइन बर किसान मन के अपन बैंक के शाखा म संपर्क करके आवेदन देना होही। येकर संग ही ईकेवाईसी करवाये के खातिर किसान अपन नजदीकी ग्रामीण लोक सेवा केंद्र म जाके या स्वयं पीएम किसान पोर्टल के माध्यम ले करके सकत हावय। पोस्ट ऑफिस म तको खाता खोले म पोस्ट बैंक डहर ले आधार लिंक के बुता करे जात हावय। कलेक्टर डहर ले जिला के सबो बैंक के किसान मन के बैंक खाता म आधार लिंक करे के निर्देश तको दे गे हावय। योजना के तहत किसान मन के तीन किस्त म 6 हजार रूपिया के रकम के फायदा मिलही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।