टीबी ले जागरूक करे खातिर हस्ताक्षर अभियान पूरा राज्य म 13 अप्रैल तक

अंजोर.रायपुर। विश्व क्षय दिवस के मउका म लोगन ल टीबी रोग ले जागरूक करे खातिर प्रदेस भर म केऊ गतिविधी संचालित करे जात हावयं। स्वास्थ्य विभाग अउ टीबी उन्मूलन कार्यक्रम के साथी संस्था मन डहर ले कई अभियान चलाए जात हावयं। इही कड़ी म आज नवा रायपुर के स्वास्थ्य भवन म स्वास्थ्य सेवा के संचालक भीम सिंह ह दस्तखत अभियान के सुरू करिन। ओमन टीबी रोग ल खतम करे अउ छत्तीसगढ़ के टीबी मुक्त करे के शपथ लेके बोर्ड म दस्तखत करिस। ओमन सबो ले अपील करिन के एकजुट होके ए वैश्विक बीमारी के खिलाफ लड़ाई म सामिल हों अउ येकर उन्मूलन म सहयोग करें।

राज्य क्षय अधिकारी डॉ. धर्मेन्द्र गहवई ह बताइन के लोगन के टीबी के प्रति जागरूक करे बर पूरा राज्य म 13 अप्रैल तक आने-आने गतिविधी के माध्यम ले अभियान चलाये जात हावय। सबो जिला म टीबी के प्रति जागरूकता संबंधी आने-आने कार्यक्रम आयोजित करे  जात हावयं। एमे शपथ ग्रहण, माइकिंग, नुक्कड़ नाटक, रैली अउ टीबी के मरीज मन के फोकट म पोषण आहार बाटे जइसे गतिविधी सामिल हावयं।