अंजोर.रायपुर। मुख्यमंत्री भूपेश बघेल ले विधानसभा कार्यालय कक्ष म विधायक धनेन्द्र साहू के अगुवई म वर्ल्ड वाइड बुक ऑफ रिकॉर्ड्स होल्डर 9 साल के मास्टर जसराज सिंह ह सौजन्य मुलाकात करिस। मास्टर जसराज के नाम वर्ल्ड वाइड बुक ऑफ रिकॉर्ड्स अउ एशिया बुक ऑफ रिकॉर्ड्स म डिवीजन अउ मल्टीप्लिकेशन के सवाल के सबले तेज जवाब दे के खातिर दर्ज होइस हावय। मुख्यमंत्री ह मास्टर जसराज के उंकर ये उपलब्धि के खातिर बधाई देत उंकर उज्ज्वल भविष्य के कामना करिस।
मास्टर जसराज के पिता तरसेम सिंह ह मुख्यमंत्री बघेल के बताइन के जसराज ह 2 मिनट म कोनो भी 3 अंक के संख्या के 1 ले 9 तक के अंक ले भाग देके 100 ले तको जादा सवाल के उत्तर देके देश के पहिली सबले कम उमर के लइका के रूप म वर्ल्डवाइड बुक ऑफ रिकॉर्ड्स म अपन नाम दर्ज कराये हावय।
इही रकम ले एशिया बुक ऑफ रिकॉर्ड्स म 1 मिनट 11 सेकंड म 50 सवाल के जवाब देके ये उपलब्धि हासिल करे हावय। ओमन बताइन के जसराज के आने-आने गतिविधी म उंकर टेलेंट के खातिर 100 ले तको जादा परमान पाती पाये हावयं। मास्टर जसराज जीडी गोयंका इंटरनेशनल स्कूल मैथ क्लास फोर्थ के स्टूडेंट हावय। मुख्यमंत्री बघेल ह मास्टर जसराज के गेलौली म ओला ऑटोग्राफ तको दे। ए मउका म मास्टर जसराज के महतारी श्रीमती जसप्रीत कौर, सुखबीर सिंह अउ श्रीमती वंदना टांगसे तको रिहिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।