भोरमदेव महोत्सव : कबीरधाम म दू दिन देश-प्रदेश के नामचीन कलाकार जु‍टही

अंजोर.कवर्धा। सतपुड़ा पर्वत के मैकल पहाडी श्रृखला ले घेराय सुरम्यवादी म बसे ऐतिहासिक भोरमदेव मंदिर के प्रांगण म पाछू कई बरस ले आयोजित होत भोरमदेव महोत्सव के परंपरा ल कायम रखे खातिर जिला प्रशासन डहर ले दू दिवसीय भोरमदेव महोत्सव के सांस्कृतिक कार्यक्रम के दीप प्रज्जवलित करके वैदिक मंत्रोचार के संग भगवान भोरमदेव के पूजा अर्चना अउ छत्तीसगढ़ महतारी के तैल्यचित्र म पुष्प अर्पित करके छत्तीसगढ़ के राजकीय गीत के संग विधिवत सुरू होइस। ए मउका म कबीरधाम जिला के परसिध मंदिर अउ आदिवासी बैगा समाज के पुजारी बिसेस पहुना के रूप म सामिल होइस। ए मउका म मंच म बुढ़ा महादेव मंदिर के पुजारी मनहरण दुबे, मां दन्तेश्वरी मंदिर के पुजारी अजय राजपूत, मां चण्डी मंदिर के पुजारी तिहारी चन्द्रवंशी, खेड़ापति हनुमान मंदिर के पुजारी चन्द्रकिरण तिवारी, गांव कामठी पंण्डरिया के परसराम मरकाम अउ गांव भुरसीपकरी बोड़ला के लमतू सिंह बगदरिया, पंडरिया विधायक श्रीमती ममता चंद्राकर, कवर्धा नगर पालिका अध्यक्ष ऋषि शर्मा, जनपद अध्यक्ष लीला धनुक वर्मा, कलेक्टर जनमेजय महोबे, पुलिस अधीक्षक डॉ लाल उमेंद सिंह, डीएफओं चुड़ामणी सिंह, जिला पंचायत सीईओं संदीप कुमार अग्रवाल आए रिहिस।

सांस्कृतिक कार्यक्रम

बोडला के रजउ साहू छत्तीसगढ़ के लोकगीत अउ नृत्य के प्रस्तुति दीस। रायपुर के श्रीमती पूर्णश्री राउत भारतीय संस्कृति के प्रदर्शित करत होइस ओडिसी नृत्य के प्रस्तुति दीस। देगी। येकर बाद भिलाई के ऋतु वर्मा डहर ले छत्तीसगढ़ के पण्डवानी के प्रस्तुति दीस। कोरबा के जाकिर हुसैन ह सुपर हिट गीत मन के प्रस्तुति देके मंच के शंमा बांधा। येकर बाद छत्तीसढ़ी लोकगीतों के गायन के प्रस्तुति देत होइस सुनिसल तिवारी ह अपन चीर परचीत अंदाज म छत्तीसगढ़ के संस्कृति सहित सुपर डुपर गाना के शानदार प्रस्तुति देके महोत्सव के मान बढ़ाया। जिला प्रशासन डहर ले कलाकार मन के पुरस्कार अउ प्रशस्ति पाती देके सम्मानित करे गिस।

येकर ले पहिली भोरमदेव महोत्सव के विधिवित सुरू करत होइस 12 ले 12.30 बजे के बीच बोड़ला ब्लॉक के चरण तिरथ, बैगा करमा नर्तक दल बारपानी के मोहतु सिंह अउ संगी के डहर ले शानदार बैगा नृत्य के प्रस्तुति दीस। येकर संग ही 12.30 बजे ले 1.15 के बीच गांव गैंदपुर के कुमार साहू डहर ले शिव पार्वती कथा अउ भजन, 01.15 ले 02 के बीच गांव हथलेवा के रेवाराम मरकाम डहर ले जसगीत, 02 ले 02.45 के बीच गांव जिंदा के रामजस साहू डहर ले जसगीत, 02.45 ले 3.30 के बीच सुरमोहनी मानस परिवार गांव सोनझरी रमेश साहू डहर ले भजन मंडली, 3.30 ले 4.30 के बीच गांव गोछिया के संतोष दास डहर ले पंण्डवानी अउ 4.30 ले 5 के बीच गांव बरहट्ठी के खिलावनदास अनंत डहर ले पंथी नृत्य के शानदार प्रस्तुति दीस।