अंजोर.सिनेमा। होली के रंग म रंगाय चारो मुड़ा, कोनो के चिनहारी नइये। लाली, पिवरा, हरियार गुलाल म बोथाय सिनेमा के कलाकार मन तको अपन-अपन संगी संगवारी मनके संग होली मनाके, अब अपन सिनेमा के फैंस खातिर सोशल मीडिया म फोटो शेयर करके सबो संग मया बाटत हाबे।
सोशल मीडिया म सबले पहिली होली के रंग म रंगे दिखिस अभिनेत्री हेमा शुक्ला, जेन बहुत ही खूबसूरत अंदाज म फोटो शेयर करे हाबे। ओमन लिखिथे के Happy Holi Everyone । वइसे आप मनके जानकारी बर बता देथन के फोटो ह होली खेलत बखत के नोहय काबर के येमा Makeup - @_preeti_makeover , Click - @pankaj__photogarphy, Edit - @mr_pankaj__04 के नाम साफर करे गे हावय। चाहे कुछू राहय भई लेकिन हेमा अपन चाहने वाला मनला बधाई देबर नइ छोड़े, ओमन के हरेक तिहार म सबले पहिली सुघ्घर फोटो संग बधाई संदेस आथे। त हेमा जी ल तको अपन पाठक संगी अउ हमरो कोति ले होली तिहार के गाड़ा-गाड़ा बधाई।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।