 |
| रायपुर महिला कांग्रेस प्रभारी शकुन डहरिया के अगुवाई म सांसद कार्यालय घेराव |
अंजोर.रायपुर। देस म महंगाई के मार अतेक बियापत हाबे के, का अमीर अउ का गरीब सबो हलाकान हाबे। अउ ये बीच सांसद मनके चुप्पी ले आम जनता गजब नाराज हाबे। लोगन के कहना हाबे के ये पार्टीवादी मन अपन मुंह ल तोपे बइठे हाबे जेकर भुगतना आम जनता ल मिलत हाबे। इही ओढ़र म आज रायपुर के सांसद सुनील सोनी के कार्यालय के घेराव करे गिस। रायपुर महिला कांग्रेस प्रभारी शकुन डहरिया के अगुवाई म सैकड़ों कार्यकर्ता मन खाली सलेंडर अउ थारी धरके जबर प्रदर्शन करिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।