भारतीय पुलिस सेवा के प्रशिक्षु अधिकारी मनले भेंट करिस मुख्य सचिव अभिताभ जैन

अंजोर.रायपुर। मुख्य सचिव अभिताभ जैन ले मंत्रालय महानदी भवन म भारतीय पुलिस सेवा के छत्तीसगढ़ राज्य केडर आबंटित प्रशिक्षु अधिकरी मन मुलाकात करिस। मुख्य सचिव जैन ह प्रशिक्षु पुलिस  अधिकारी मनला अपन प्रशासनिक अनुभव बताइस। ए मउका म मुख्य सचिव ह सबो प्रशिक्षु  अधिकारी मनले परिचय लिस।

मुख्य सचिव ह  अधिकारी मनला छत्तीसगढ़ म राम-वन-गमन-पथ के तहत विकसित करे जात पर्यटन साईट्स के बारे म विस्तार ले जानकारी दीस। ओमन प्रशिक्षु  अधिकारी मनला अपन फिजीकल फिटनेस बनाये रखे के खातिर खेल गतिविधी ले जुड़े रेहे अउ पब्लिक सम्पर्क बनाये रखे अउ जरूरतमंद लोगन के मदद करे जइसे सलाह तको गोठबात के बखत दीस।

भारतीय पुलिस सेवा के जेन प्रशिक्षु  अधिकारी मन ले मुख्य सचिव ले सौजन्य भेंट करिस। ओमा भारतीय पुलिस सेवा बेच 2021 के आकाश कुमार शुक्ला, अमन कुमार रमनकुमार झा, रविन्द्र कुमार मीना, रोहित कुमार शाह अउ उदित पुष्कर अउ बेच 2020 के चिराग जैन अउ उमेश प्रसाद गुप्ता सामिल हावय।