मछली पालन योजना म फायदा ले के खातिर करव आवेदन, 40 ले 60 परतिसत मिलथे अनुदान

अंजोर.धमतरी। मछली पालन विभाग के आने-आने कार्यक्रम के तहत योजना मन ले लाभान्वित होए के खातिर ‘पहले आओ पहिली पाओ’ के तर्ज म आवेदन आमंत्रित करे  गे हावयं।

मछली पालन योजना म कतका मिलही अनुदान-

सहायक संचालक, मछली पालन ह बताइन के इकाई लागत भारत शासन डहर ले करार हावय अउ अनुदान अंशदान राज्य शासन डहर ले देय अनुदान के पात्रता सामान्य वर्ग के हितग्राही के 40 प्रतिशत, अनुसूचित जाति, जनजाति अउ महिला वर्ग के हितग्राही के 60 परतिसत रकम स्थापित/निर्मित इकाई के लागत के मूल्यांकन/वास्तविक कीमत या इकाई लागत के अनुदान सीमा जेन कम हो, उंकर आधार म भारत शासन ले मिले अनुदान अंशदान म देय होही।

मछली पालन योजना म हितग्राही ल का-का मिलही-

बताया गे हावय के नवा तरिया बनाये प्रति हितग्राही अधिकतम सीमा दू हेक्टेयर तक, मछरी बीजहा संवर्धन पौण्ड के निर्माण, नवा तरिया बनाये म इनपुट्स म सहायता, रिटेल आउटलेट के स्थापना (स्वयं के भूमि म बनाये पर), ऑटो या मोटर साइकिल सह आए बॉक्स, केज के स्थापना, आईस प्लांट, रेफ्रिजरेटर व्हीकल (इन्सुलेटेड ट्रक), लाईव फिश वेडिंग सेंटर, फिश फीड मील, प्लांट, कोल्ड स्टोरेज अउ बायोफ्लाक योजना के तहत फायदा लिस जा सकत हावय। ए संबंध म जादा जानकारी के खातिर मछलीपालन विभाग के अधिकारी ले सम्पर्क करे जा सकत हाबे।