अंतर्राष्ट्रीय महिला दिवस के सुभकामना दीस मुख्यमंत्री भूपेश बघेल

अंजोर.रायपुर। मुख्यमंत्री भूपेश बघेल ह अंतर्राष्ट्रीय महिला दिवस म सबो माता, बहिनी अउ बेटी मनला बधाई अउ सुभकामना दीस हावयं। अंतर्राष्ट्रीय महिला दिवस के पहिली संझा म जारी अपन शुभकामना संदेश म मुख्यमंत्री ह किहिन हावय के महिला मन तक उंकर अधिकार ल पहुंचाये, सशक्तिकरण करे अउ लैंगिक समानता के उद्देश्य के लेके पूरा दुनिया म 8 मार्च के अंतर्राष्ट्रीय महिला दिव मनाये जाथे। ओमन किहिन के महिला मन ह अपन क्षमता, योग्यता अउ हौसला ले हर क्षेत्र म अपन मुकाम बनाये हावय। उंकर भागीदारी के बिना हम समग्र विकास के कल्पना नइ करे सकन।

अंतर्राष्ट्रीय महिला दिवस-

श्री बघेल ह किहिन हावय के छत्तीसगढ़ म हमेशा महिला मन के ठऊर  ऊंचा रिहिन हावय। फेर घर-परिवार अउ समाज म आर्थिक भागीदारी के मामला म वो पिछड़गे रिहिस, एला देखत राज्य सरकार ह महिला मन के स्वावलम्बन ले जोड़े के रणनीति अपनाईस। गउठान अउ महिला समूह ले जोड़के उंकर खातिर आर्थिक समृद्धि के नवा रसता तइयार करे गे हावय। गउठान महिला मन के खातिर स्व-रोजगार के केन्द्र बनत हावयं। गउठान के रूरल इंडस्ट्रियल पार्क के रूप म विकसित करे जात हावय। येकर ले बड़े संख्या म महिला मन के फायदा होवत हाबे। आज छत्तीसगढ़ के महिला मन अपन उद्यमिता अउ काबिलियत ले पूरा देश म अपन नाम बनात हावय।

मुख्यमंत्री ह किहिन हावय के छत्तीसगढ़ म विकास के हर क्षेत्र म महिला मन बढ़-चढ़के हिस्सा ले हावयं। माता-बहनी मन तेजी ले तरक्की करें, येकर खातिर राज्य सरकार ह न सिरिफ महिला समूह के 13 करोड़ रूपिया के कर्ज माफ करिन, बल्कि महिला कोष ले कम ब्याज म करजा दे के सीमा के तको दोगुना करके दे हावय।

मुख्यमंत्री सुपोषण अभियान अउ दाई-दीदी क्लीनिक योजना-

महिला मन के सेहत के देखभाल के खातिर मुख्यमंत्री सुपोषण अभियान अउ दाई-दीदी क्लीनिक योजना जइसे अभिनव पहल करे गे हावय। येकर सकारात्मक परिणाम आगू आए हावयं, लगभग एक लाख ले जादा महिला मन एनीमिया मुक्त हो गे हावयं। दाई-दीदी क्लीनिक योजना ले गरीब बस्ती मन के महिला मन के इलाज होवत हाबे। मुख्यमंत्री ह किहिन हावय के महिला मन के बेहतरी के खातिर राज्य सरकार सरलग प्रयास करत हावय।

कौशल्या समृद्धि योजना-

वित्तीय साल 2023-24 के बजट म महिला मन के रोजगार उपलब्ध कराये के खातिर कौशल्या समृद्धि योजना सुरू करे के घोसना के गे हावय।

मुख्यमंत्री कन्या बिहाव-

येकर संग ही मुख्यमंत्री कन्या बिहाव म मदद रकम के 25 हजार रूपिया ले बढ़ाके 50 हजार रूपिया करे के प्रावधान करे गे हावय। 

आंगनबाड़ी कार्यकर्ता, सहायिका अउ मितानिन मन के मानदेय म बढ़ोत्तरी-

महिला मन के पोषण अउ देखभाल म लगे आंगनबाड़ी कार्यकर्ता, सहायिका अउ मितानिन मन के मानदेय म बढ़ोत्तरी के बेवस्था तको बजट म करे गे हावय। बघेल ह किहिन हावय के समाज के वास्तविक विकास तभेच संभव हावय, जब हम आधी आबादी के प्रति सकारात्मक दृष्टिकोण अपना अउ ओला आगू बढ़े के सुरक्षित अउ पूरा मउका दे।

अंतर्राष्ट्रीय महिला दिवस निबंध

अंतर्राष्ट्रीय महिला दिवस हरेक साल 8 मार्च के मनाये जाथे। ये दिन ल महिला मनके उपलब्धि ल सुरता करे अउ ओला सम्मानित करे के खातिर मनाये जाथे।

ए दिन ल विश्वभर म मनाये जाथे  अउ अंतर्राष्ट्रीय महिला दिवस के मउका म आने-आने कार्यक्रम अउ आयोजन के करे जाथे। ए दिन के जरूरी कार्यक्रम म महिला मन के अधिकार के बारे म जागरूकता फैलाना, महिला मन के विकास के बढ़ावा देना, महिला मन के गतिविधी अउ उंकर योगदान के बारे म गोठबात करना, अउ दुनिया भर म महिला मन के खातिर जादा मउका बनाये के बारे म विचार-विमर्श होवत हावयं।

महिला मन के अधिकार के जागरूकता अउ समानता के बिना, समाज अउ विश्व एक सफल अउ विकसित समाज नइ बन सकत हावय। अभी के बेरा समय म भी, बहुत ले समाज म महिला मन के सामाजिक अउ आर्थिक अधिकार के कमी हावय।

• अंतरराष्ट्रीय महिला दिवस
• अंतरराष्ट्रीय महिला दिवस कब मनाया जाता है
• अंतरराष्ट्रीय महिला दिवस पर निबंध
• अंतरराष्ट्रीय महिला दिवस कब घोषित किया गया
• अंतर्राष्ट्रीय महिला दिवस का उद्देश्य
• अंतर्राष्ट्रीय महिला दिवस का आयोजन