केन्द्रीय स्वास्थ्य राज्य मंत्री डॉ. भारती प्रवीण पवार ह हमर लैब, हमर अस्पताल अउ क्षेत्रीय कुष्ठ प्रशिक्षण अउ अनुसंधान संस्थान के करिन भ्रमण

केन्द्रीय स्वास्थ्य राज्य मंत्री डॉ. भारती प्रवीण पवार

अंजोर.रायपुर। केन्द्रीय स्वास्थ्य अउ परिवार कल्याण राज्य मंत्री डॉ. भारती प्रवीण पवार ह रायपुर के राजातालाब हमर अस्पताल, जिला अस्पताल म हमर लैब अउ लालपुर के क्षेत्रीय कुष्ठ प्रशिक्षण अउ अनुसंधान संस्थान के भ्रमण करिन। ओमन हमर अस्पताल अउ हमर लैब म मरीज मन के सुविधा के जानकारी लिस अउ उहां के कार्यप्रणाली के बारे म प्रभारी  अधिकारी मनले पूछिस। ओमन क्षेत्रीय कुष्ठ प्रशिक्षण अउ अनुसंधान संस्थान म पुनर्निर्मित ऑपरेशन थिएटर परिसर के लोकार्पण करिन। रायपुर के सांसद सुनिसल सोनी अउ राष्ट्रीय स्वास्थ्य मिशन के संचालक भोसकर विलास संदिपान तको तीनों जगह भ्रमण के बखत मौजूद रिहिस।

केन्द्रीय स्वास्थ्य राज्य मंत्री डॉ. भारती प्रवीण पवार

केन्द्रीय स्वास्थ्य राज्य मंत्री डॉ. भारती प्रवीण पवार ह राजातालाब हमर अस्पताल के निरीक्षण के बखत मरीज मन के खातिर प्रचलित टोकन सिस्टम के बारे म पूछिस। ओमन खुद टोकन डिस्पेंसर ले टोकन निकालके देखिस। ओमन रोजाना ओपीडी म आने वाला मरीज मन के संख्या के जानकारी लिस। केन्द्रीय स्वास्थ्य राज्य मंत्री ह उहां मॉडल टीकाकरण कक्ष, ड्रेसिंग रूम, महिला वॉर्ड, लेबर रूम अउ फॉर्मेसी के अवलोकन करिन। ओमन हमर अस्पताल के प्रभारी अधिकारी डॉ. शाल्वी वर्मा के श्रीफल अउ शॉल भेंट करके सम्मानित करिन।

केन्द्रीय स्वास्थ्य राज्य मंत्री डॉ. भारती प्रवीण पवार

केन्द्रीय स्वास्थ्य राज्य मंत्री डॉ. पवार ह हमर लैब के भ्रमण के बखत पंजीयन काउंटर, सैंपल कलेक्शन काउंटर, आयुष्मान कक्ष, कियोस्क अउ मदद केंद्र, बैक्टिरियोलॉजी लैब, हिमैटोलॉजी लैब, कल्चर कक्ष अउ कोल्ड कक्ष के अवलोकन करिन। केन्द्रीय स्वास्थ्य राज्य मंत्री के हमर लैब के राज्य नोडल अधिकारी डॉ. अभ्युदय शक्ति तिवारी ह बताइन के लैब म 120 रकम ले के जांच के सुविधा हावय। वर्ष-2022 म इहां 96 हजार 238 मरीज मन के पांच लाख 80 हजार 952 टेस्ट करे  गे हावयं। उहें वर्ष-2021 म एक लाख दू हजार 648 मरीज मन के चार लाख 20 हजार 540 टेस्ट करे  गे रिहिस। केन्द्रीय स्वास्थ्य राज्य मंत्री ह अच्छा बुता के खातिर हमर लैब के डॉ. माधुरी वानखेड़े के श्रीफल अउ शॉल भेंट करके सम्मानित करिन। हमर अस्पताल अउ हमर लैब के निरीक्षण के बखत स्वास्थ्य विभाग के समिलहा संचालक डॉ. एस.के. पामभोई, रायपुर के मुख्य चिकित्सा अउ स्वास्थ्य अधिकारी डॉ. मिथिलेश चौधरी, सिविल सर्जन डॉ. पी.के. गुप्ता, ईएनटी विशेषज्ञ डॉ. एस.के. भंडारी, राष्ट्रीय स्वास्थ्य मिशन के प्रभारी राज्य कार्यक्रम प्रबंधक आनंद साहू अउ शहरी स्वास्थ्य के राज्य कार्यक्रम प्रबंधक डॉ. प्रदीप टंडन तको मौजूद रिहिस।

केन्द्रीय स्वास्थ्य राज्य मंत्री ह क्षेत्रीय कुष्ठ प्रशिक्षण अउ अनुसंधान संस्थान म पुनर्निर्मित ऑपरेशन थिएटर परिसर के लोकार्पण करिन। ओमन किहिन के ये ऑपरेशन थिएटर्स ले कुष्ठ के मरीज मन के रिकंस्ट्रक्टिव सर्जरी (Reconstructive Surgery) म सहुलियत होही। ओमन लोकार्पण कार्यक्रम म लालपुर के मितानिन मन अउ उत्कृष्ट बुता करे वाला संस्थान के कर्मचारी मन के सम्मानित करिन। डॉ. पवार ह इहां इलाजरत मरीज मन ले बातकर उंकर स्वास्थ्य के बारे म पूछा अउ राष्ट्रीय कुष्ठ उन्मूलन कार्यक्रम के तहत मिले वाला सुविधा के जानकारी लिस। ओमन परिसर म चीकू के पौधा तको लगाया। ए बखत क्षेत्रीय कुष्ठ प्रशिक्षण अउ अनुसंधान संस्थान के निदेशक डॉ. कृष्णमूर्ति काम्बले, समिलहा निदेशक डॉ. संदीप जोगदंड अउ मुख्य चिकित्सा अधिकारी डॉ. प्रशांत साहू तको उपस्थित रिहिस।

• स्वास्थ्य विभाग ट्रांसफर लिस्ट
• महिला स्वास्थ्य कार्यकर्ता भर्ती
• अच्छा स्वास्थ्य क्यों जरूरी है निबंध
• संतुलित भोजन किसे कहते हैं