अंजोर.सिनेमा। छत्तीसगढ़ी सिनेमा म अब स्थानीय कलाकार मनके गजब दबदबा देखे ल मिलत हाबे। चारोमुड़ा छत्तीसगढि़या कलाकार के जबर भूमिका ले अब बाहिर के कलाकार मन छॉलीवुड म कमतियागे हावय। अऊ केउ झिन ल महिला कलाकार मन छत्तीसगढ़ी सिनेमा के बड़े पर्दा म अभिनेत्री के रूप म गजब नाम कमावत हाबे। इही कड़ी म एक नवोदित अदाकारा काजल सोनबरे के नाम आगू आथे। काजल सोनबरे एल्बम के दुनिया ले सिनेमा म तको बड़का भूमिका निभाये हावय।
काजल सोनबेर ह गवन, दुल्हन पिया की, वैदेही म अभिनेत्री के भूमिका निभाये हावय। येकर अलावा ओमन के एल्बम अब के बच्छर, मया के रोग, मन मोहनी तोर चेहरा, बनके तै सोन चिरइया गजब लोकप्रिय होइसे। कालज सोनेबर सोशल मीडिया म तको गजब छाये रिथे, ओमन वइसे तो हमेशा छत्तीसगढ़ी पहनावा म अपन फोटो शेयर करथे अउ लोगन गजब पसंद तको करथे।
भई एतो सिनेमा के दुनिया आए इहां सबो किसम के अभिनय के रंग देखे बर मिलथे। कलाकार ओ सबो रंग म अपन आप ल रंगा लेथे। अऊ इही ल तो ग्लैमरस के दुनिया कहे जाथे। आजकल छॉलीवुड के नेचुरल ब्यूटी काजल सोनबेर के तको नवा ग्लैमरस लुक फोटो सोशल मीडिया म पोस्ट होए हाबे। काजल सोनबेर के सुदंरता हर रंग म फबथे चाहे छत्तीसगढ़ी हो या आन।
काजल सोनबेर के नवा ग्लैमरस लुक
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।