अंजोर.सूरजपुर। चइत नवरात के मउका म कुदरगढ़ म 26 मार्च ले 28 मार्च 2023 तक कुदरगढ़ महोत्सव मनाये जात हावय येकर खातिर एसईसीएल महाप्रबंधक अमित सक्सेना ह कलेक्टर सुश्री इफ्फत आरा के क्षेत्रीय विकास अउ प्रचार प्रसार मद ले 20 लाख रूपिया के चेक सउपिस। ए बखत प्रबंधक कार्मिक अनुपम दास, उप प्रबंधक सतीश वर्मा उपस्थित रिहिस।
मिले आरो के मुताबिक ए बखत एसईसीएल महाप्रबंधक अमित सक्सेना ह लाइफ लाइन एक्सप्रेस के खातिर सीएसआर मद ले 4 लाख 93 हजार रूपिया के चेक तको सउपिस। लाइफ लाइन एक्सप्रेस शिविर कमलपुर रेलवे स्टेशन म 25 फरवरी ले 17 मार्च तक आयोजित करे गे रिहिस। शिविर म करार तिथि मुताबिक आँखी के जांच अउ मोतियाबिंद के सर्जरी, कान के जांच अउ कान के सर्जरी, मुड़े गोड़ के परीक्षण अउ सर्जरी, कटे फटे होंठ के जांच अउ सर्जरी, दांत के जांच अउ इलाज करे गिस। येकर अलावा स्तन अउ ग्रीवा कैंसर जागरूकता अउ परीक्षण करके फोकट म चिकित्सा सुविधा अउ इलाज करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।