कुदरगढ़ महोत्सव : मां बागेश्वरी के अंगना म तीन दिन छत्तीसगढ़ी संस्कृति के झलक, देखव कार्यक्रम के सूची

अंजोर.सूरजपुर। सूरजपुर अंचल के कुलदेवी मां बागेश्वरी के धाम म कुदरगढ़ महोत्सव के बड़का आयोजन करे जात हावय। कुदरगढ़ महोत्सव के तइयारी जोरो म हावयं। कलेक्टर सुश्री इफ्फत आरा, जिला पंचायत सीईओ सुश्री लीना कोसम ह कुदरगढ़ महोत्सव 2023 के तइयारी के जायजा लिस। सफल आयोजन के खातिर  अधिकारी मनला जिम्मेदारी सौंपके जरूरी दिशा निर्देश दे हावय। कुदरगढ़ महोत्सव के आयोजन 26 मार्च ले 28 मार्च तक तीन दिन के होही। ए तीन दिवसीय महोत्सव म छत्तीसगढ़ के कला-संस्कृति के झलक दिखेगी। संग ही संग ए महोत्सव म छत्तीसगढ़ अउ जिला  के स्थानीय उभरते कलाकार तको अपन कला के शानदार प्रस्तुति दिही।

कुदरगढ़ महोत्सव के 26 मार्च के कार्यक्रम-

कुदरगढ़ महोत्सव के पहिली दिन 26 मार्च के डॉ. पूर्णाश्री राउत क्लासिकल डांस, मास्टर ओम अग्रहरि नन्हा सितारा अउ कला केंद्र सूरजपुर के प्रस्तुति, नासिर खान सूफी गायक, बीजीएम म्यूजिकल ग्रुप, दिलीप षडंगी भजन सम्राट, आमा पान के पतरी करेला, पान के दोना रायगढ़ डहर ले जगराता कार्यक्रम के प्रस्तुति दे जाही।

कुदरगढ़ महोत्सव के 27 मार्च के कार्यक्रम-

27 मार्च के आन दिन सुश्री आनंदिता तिवारी कथक नृत्य खैरागढ़ विश्वविद्यालय, जाकिर हुसैन स्टार वॉए ऑफ इंडिया फेम कोरबा, पुनीत ग्रुप जबलपुर डहर ले शिव तांडव, अलका चंद्राकर रायपुर छत्तीसगढ़ के परसिध गायिका डहर ले प्रस्तुति दीस जाही।

कुदरगढ़ महोत्सव के 28 मार्च के कार्यक्रम-

तीसरा दिन 28 मार्च के संजय सुरीला सरगुजा, हाय रे सरगुजा नाचे फेम, पारंपरिक नृत्य समूह एचडी इवेंट फिलर प्रस्तुति, आरू साहू सिहावा सुआ बोलत हे फेम छत्तीसगढ़ी लोक गीत मुख्य आकर्षक के केन्द्र होही। सबो कार्यक्रम संझा 6 बजे ले सुरू होही। कुदरगढ़ महोत्सव म येकर अलावा पारंपरिक नृत्य, मानस मंडली अउ विविध खेलकूद प्रतियोगिता के आयोजन तको करे जाही।