धरना प्रदर्शन खातिर एक सप्ताह पहिली लेना होही अनुमति, एसडीएम ह जारी करिस निर्देश

धरना प्रदर्शन खातिर एक सप्ताह पहिली लेना होही अनुमति, एसडीएम ह जारी करिस निर्देश

अंजोर.दंतेवाड़ा। जिला कलेक्टर अउ पुलिस अधीक्षक के समिलहा अध्यक्षता म दन्तेवाड़ा जिला म कानून बेवस्था अउ चुनाव के संबंध म बइठक आयोजित करे गिस। बइठक  म लिये गे फइसला मुताबिक अउ छत्तीसगढ़ शासन गृह (पुलिस) विभाग के निर्देश के मुताबिक सार्वजनिक बेवस्था अउ कानून-व्यवस्था अउ शांति बनाये रखे बर जिला प्रशासन ले एक सप्ताह पहिली विधिवत अनुमति मिले के पाछु ही धरना/रैली उक कार्यक्रम आयोजन करे के अनुमति दे जाही। संग ही राजनीतिक दल के नेता के भ्रमण या राजनीतिक कार्यक्रम के सूचना समय म जिला प्रशासन अउ पुलिस प्रशासन के अनिवार्य रूप ले देना होही।