अंजोर.रायपुर। प्रदेश म शिक्षक संवर्ग के पदोन्नति के बाद पदांकन काउंसलिंग के माध्यम ले करे जाही। स्कूल शिक्षा मंत्री डॉ. प्रेमसाय सिंह टेकाम ह प्रमुख सचिव स्कूल शिक्षा के ए संबंध म कार्यवाही सुनिश्चित कराइन हावय। स्कूल शिक्षा मंत्री डहर ले प्रमुख सचिव स्कूल शिक्षा के जारी पाती म किहिन हावय के आने-आने जनप्रतिनिधी मन अउ आन माध्यम ले पदोन्नति पाछु पदांकन म शिकायत मिले हावय। विधानसभा म तको कुछ माननीय विधायक ह ये तथ्य मोर संज्ञान म लाने रिहिस। ये सुनिश्चित करें के शिक्षक संवर्ग के पदोन्नति पाछु पदांकन काउंसलिंग के माध्यम ले होवे। येकर पाछु आवश्कता वाला स्कूल म क्रमशः पदांकन करे जाए। पदोन्नति प्रक्रिया के मॉनिटरिंग सचिवालय अउ संचालनालय के अधिकारी करें। व्याख्याता, प्राचार्य संवर्ग म पदोन्नति के कार्यवाही तको इही रीति ले करे जाए।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।