सायबर सेल अउ चक्रधरनगर पुलिस के कार्रवाई, कार म दारू तस्करी करत दू आरोपी गिरफ्तार

अंजोर.रायगढ़। अवैध दारू अउ नशीला जिनिस म चलाए गे अभियान के क्रम म साइबर सेल अउ चक्रधरनगर पुलिस के समिलहा टीम डहर ले मुखबिर सूचना म माझा पारा मेडिकल कॉलेज रोड के पास नाकेबंदी करके दारू परिवहन करके अल्टो कार ल पकड़ा गे हावय। वरिष्ठ पुलिस अधीक्षक सदानंद कुमार के दिशा निर्देशन म सायबर सेल प्रभारी एसडीओपी दीपक मिश्रा डहर ले  साइबर सेल के स्टाफ के होली के देखत अवैध दारू संग्रहण करे वाला अउ दारू परिवहन म मुखबिर लगाके निगाह रखे निर्देशित करे गे हावय।

इही क्रम म मुखबिर ले मिले सूचना म सायबर सेल अउ चक्रधरनगर पुलिस के समिलहा टीम ह दारू रेड कार्यवाही करे रिहिन दू आरोपी (1)  रविंद्र लहरे पिता तिहारू लहरे उमर 20 साल (2) राहुल महीष पिता श्याम लाल महीष उमर 19 साल दोनो निवासी काशीराम चौक थाना जुटमील चक्रधरनगर के पकड़ा गे हावय। आरोपी मन ह कब्जा ले कुल 18 पेटी (288 पाव) देशी प्लेन अउ मसाला दारू अउ अल्टो कार  CG 25 E 1333 जब्त करके आरोपी मन म आबकारी एक्ट के कार्यवाही करके न्यायिक रिमांड म भेजे गे हावय।