 |
| सतीश जैन के बेटी रुनझुन जैन के भी निर्देशन म कमाल देखव |
छॉलीवुड के दिग्गज निर्देशक सतीश जैन की बेटी रुनझुन जैन के निर्देशन में बने शॉर्ट फिल्म अब आही
अंजोर.सिनेमा। छत्तीसगढ़ी सिनेमा के दिग्गत निर्देशक सतीश जैन ल छॉलीवुड के तारणहार केहे जाथे। जब-जब छॉलीवुड डुबे के कगार म पहुंचथे सतीश जैन के फिलिम उबार देथे। उंकर हरेक फिलिम इहां सफल होए हाबे। वइसे सतीश जैन हिन्दी के अलावा छत्तीसगढ़ी, भोजपुरी जइसे क्षेत्रिय भाषा के फिलिम म जबर सफलता पाये हाबे। अब आरो मिलत हाबे के उंकर बेटी रुनझुन जैन तको अब निर्देशन म हाथ आजमात हाबे। जानबा होवय के सतीश जैन अउ सरिता जैन के एक बेटी-बेटा हाबे, जेमा रुनझुन जैन अपन स्कूल के पढ़ाई खतम करे के बाद सिनेमा म कैरियर बनाये म लगे हावय।
रुनझुन जैन कृष्णा पब्लिक स्कूल ले पढ़ाई करे हावय, अउ भी ओमन निर्देशन के हुनर सीखत हाबे। रुनझुन जैन अपन निर्देशन के शुरूआत शॉर्ट फिलिम ले करे हावय। होली के मउका म उंकर शॉर्ट फिलिम ‘पिचकारी’ आए रिहिस। जेला लोगन मन रायपुर के दिनदयाल उपाध्यय आडोटोरियम म देखके खूब सहराइस।
निर्माता निर्देशन मनोज वर्मा डहर ले सोशल मीडिया म आरो करे गे हावय के रुनझुन जैन के निर्देशन म बने ‘पेंटेड’ PAINTED "दर्द" बहुत जल्द अवइया हाबे। स्वप्निल फिल्म प्रोडक्शन के नवा शॉर्ट फिल्म म का कमाल करे हावय रुनझुन जैन ह ये तो फिलिम ल देखे के बादे जनाही। फेर बड़े-बड़े कला मर्मज्ञ के बीच पले-बढ़े रुनझुन जैन के ए उदीम ल दर्शक ल कतका पसंद आही ये तो बखत के बात हाए, बहरहाल नवा प्रतिभा के सम्मान अउ प्रोत्साहन तो होना ही चाहि, त हमर कोति ले नोनी ल बहुत-बहुत बधाई अउ सुभकामना।
छॉलीवुड के दिग्गज निर्देशक सतीश जैन के फैमिली फोटो सोशल मीडिया ले साभार-
सतीश जैन के बेटी रुनझुन जैन के फैमिली फोटो सोशल मीडिया ले साभार-
सोशल मीडिया म- रुनझुन जैन सतीश जैन सरिता जैन
- बेटी- रुनझुन जैन facebook
- पिता- सतीश जैन facebook
- माता- सरिता जैन facebook
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।