सतीश जैन के नया फिलिम 'ले सुरू होगे मया के कहानी' ह 2023 म मचाही तबाही, फस्ट लुक संग सोशल मीडिया म आवथे गाना, अमलेश नागेश अउ एल्सा घोष के जोड़ी कइसे लागिस जरूरत बताहू

अंजोर.सिनेमा। छॉलीवुड म फिलिम हिट करे के बैगुन तो सतीश जैन कना हाबे, चाहे जइसे भी कहानी होवय उंकर फिलिम सिनेमाघर म तबाही मचा देथे। वइसे ये छत्तीसगढ़ी सिनेमा बर बने बात तको हरे के इहां के इंडस्ट्री ल उबारने वाला फिल्ममेकर अइसे फिलिम बनाथे जेन हिन्दी सिनेमा ल तको ठक्कर देथे। सतीश जैन के हिट फिल्म के सूची अब्बड़ लंबा हाबे, फिलहाल हंस झन पगली फंस जबे अउ चल हट कोनो देख लिही के बाद ले सुरू होगे मया के कहानी एसो 2023 के बड़े हिट फिलिम साबित होवइया हाबे। ले सुरू होगे मया के कहानी फिलिम के फस्ट लुक के संग ही अब गाना मन तको सोशल मीडिया म आये के सुरू होगे हाबे।

मिले आरो के मुताबिक फिलिम ले सुरू होगे मया के कहानी म ए पइत छत्तीसगढ़ के कॉमेडी किंग, सोशल मीडिया के छत्तीसगढ़िसा सुपरहिरो अमलेश नागेश ल बतौर नायक लिये गे हावय अउ उंकर संग म नायिका हाबे एल्सा घोस जने केउ ठी छत्तीसगढ़ी फिलिम म अपन अभिनय देखा डरे हाबे।

सतीश जैन के नया फिलिम 'ले सुरू होगे मया के कहानी'