पूर्व सांसद सोहन पोटाई के निधन, कांकेर ले चार बार सांसद रिहिन अउ आजीवन आदिवासी समाज के हित बर बुता करिन

पूर्व सांसद सोहन पोटाई के निधन

अंजोर.कांकेर। मुख्यमंत्री भूपेश बघेल ह पूर्व सांसद सोहन पोटाई के निधन म गहरा दुःख प्रकट करिन हावय। मुख्यमंत्री ह सोहन पोटाई के शोक संतप्त परिवार के प्रति संवेदना प्रकट करत ईश्वर ले दिवंगत आत्मा ल अपन चरण म ठऊर  दे अउ उंकर परिवार ल ये दुःख सहे के शक्ति दे करे के प्रार्थना करे हावय।

जानबा होवय के सोहन पोटाई कांकेर लोकसभा क्षेत्र ले चार बार सांसद रिहिन। ओमन आजीवन आदिवासी समाज के हित के खातिर संघर्ष करिन। मुख्यमंत्री ह किहिन के केऊ बार पोटाई ले आदिवासी समाज के हित म गोठबात होइस। आदिवासी समाज के विकास अउ उत्थान के खातिर हम सबो मिलके काम करिन। उंकर निधन हम सबके खातिर अपूरणीय क्षति हावय।