 |
| राष्ट्रीय स्वास्थ्य मिशन जिला बेमेतरा |
अंजोर.बेमेतरा। राष्ट्रीय स्वास्थ्य मिशन जिला बेमेतरा ले आने-आने राष्ट्रीय कार्यक्रम म खाली संविदा पद म इन्टरव्यू के माध्यम ले कलेक्टर दर म अस्थाई रूप ले पद मंजूर करे गे हावयं। इच्छुक आवेदन करइया अपन आवेदन करार प्रारूप म स्वप्रमाणित सबो जरूरी दस्तावेज के संग 16 मार्च 2023 बिहनिया 11:00 बजे ले सायं 5:00 बजे तक कार्यालय मुख्य चिकित्सा अउ स्वास्थ्य अधिकारी जिला बेमेतरा म स्वयं उपस्थित होके आवेदन पाती प्रस्तुत कर सकत हावय। कोनो आन माध्यम ले मिले आवेदन पाती स्वीकार नइ करे जाही। करार तिथि के पहिली अउ पाछु मिले आवेदन म कोनो विचार नइ करे जाही। ये भरती बर जिला के स्थानीय निवासी के प्राथमिकता दे जाही। जिला के स्थानीय निवासी के नइ मिले के स्थिति म ही छत्तीसगढ़ के आन जिला के पात्र अभ्यार्थी के मेरिट क्रमानुसार प्राथमिकता दे जाही। विज्ञापन संबंधी विस्ता्र ले जानकारी, नियम अउ शर्त जिला के वेबसाइट https://Bemetara.gov.in/ म अवलोकन करके सकत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।