जल स्रोत के संरक्षण अउ संवर्धन के खातिर प्रतिबद्ध : मुख्यमंत्री भूपेश बघेल

अंजोर.रायपुर। मुख्यमंत्री भूपेश बघेल ह प्रदेसवासी ल विश्व जल दिवस के सुभकामना दीस हावय। ओमन अपन संदेश म किहिन हावय के जल जिनगी के आधार हावय। विश्व जल दिवस के मउका म सबो के खातिर अउ तको जरूरी हो गे हावय के जल स्रोत के संरक्षण अउ संवर्धन बर प्रतिबद्ध हों।

मुख्यमंत्री ह किहिन हावय के हमर छत्तीसगढ़ तालाब, नदिया के प्रदेस हावय। सही देखरेख अउ जागरूकता ले हम ये जल स्त्रोत के संरक्षण अउ संवर्धन कर सकत हावयं। छत्तीसगढ़ सरकार नरवा कार्यक्रम के तहत् ये जल स्रोत के संवर्धन के प्रयास करत हावय, मगर येकर खातिर जन समुदाय के सहभागिता तको ओतका ही जरूरी हावय। सबो नागरिक ले गेलौली हावय के हमर धरोहर तालाब, नदिया अउ जल स्रोत ल बचाये के खातिर स्वयमेव पहल करें अउ नवा पीढ़ी ल तको येकर खातिर प्रेरित करें।