अंजोर.नई दिल्ली। भाजपा स्थापना दिवस के दिवस के मउका म देस के प्रधानमंत्री अउ भाजपा के बड़का नेता नरेंद्र मोदी कार्यक्रम म अपन बात रखत किहिन के अस्तित्व के संकट ले जूझत पार्टी मन हमर खिलाफ साजिश करत रइही, पीएम मोदी ह आगू किहिन के भारतीय जनता पार्टी (भाजपा) भ्रष्टाचार अउ वंशवाद के राजनीति ले लड़े के खातिर प्रतिबद्ध हावय। पार्टी कार्यकर्ता लबीजेपी के रीढ़ बतात पीएम मोदी ह किहिन के पार्टी ह भ्रष्टाचार, भाई-भतीजावाद अउ अपराध के खिलाफ उही रकम ले जंग छेड़ी हावय जेन रकम ले भगवान हनुमान राक्षस ले लड़े रिहिस।
पार्टी के 44वें स्थापना दिवस के मउका म भाजपा सांसद अउ कार्यकर्ता ल संबोधित करत ओमन कहिन, "राष्ट्र के निःस्वार्थ सेवा, भगवान हनुमान के एक गुण, भाजपा कार्यकर्ता के खातिर प्रेरणा हावय।" भगवान हनुमान के जनम के उपलक्ष्य म मनाये जाये वाला हनुमान जयंती गुरुवार के मनाई जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।