ट्रिपल आईटी रायपुर के दीक्षांत समारोह म मुख्यमंत्री भूपेश बघेल ह बाटिस मैडल अउ डिग्री

अंजोर.रायपुर। ट्रिपल आईटी नया रायपुर के तीसरा दीक्षांत समारोह के मुख्य पहुना राज्यपाल विश्वभूषण हरिचंदन वीडियो कॉन्फ्रेंस डहर ले समारोह म सामिल होइन हावयं विशिष्ट पहुना मुख्यमंत्री भूपेश बघेल अउ बिसेस पहुना उद्योग मंत्री कवासी लखमा,  रक्षा अनुसंधान अउ विकास संगठन (डीआरडीओ) के पहिली डायरेक्टर जनरल अउ ब्रम्होस एयरोस्पेस नवा दिल्ली के पहिली सीईओ सुधीर मिश्रा ट्रिपल आईटी नव रायपुर म उपस्थित हावय। दीक्षांत समारोह के खातिर बोर्ड चेयरमैन स्टीवन पिंटो समारोह के अध्यक्षता करके रिहिन हावयं।

ये मउका म मुख्यमंत्री भूपेश बघेल ह दीक्षांत समारोह म पढ़ईया मनला बधाई अउ सुभकामना देत किहिन के तंहू मन अपन ज्ञान अउ ए संस्थान ले मिले प्रशिक्षण के उपयोग राज्य अउ देश के बनाये म करय। आप अपन कैरियर ल बनाये, दुनिया के सेवा करें, फेर तुँहर धियान म राष्ट्र अउ राज्य सबले पहिली होना चाही। ट्रिपलआईटी सूचना प्रौद्योगिकी म विश्व स्तरीय शिक्षा दे करत हावय।

सूचना प्रौद्योगिकी आधुनिक कृषि अउ वानिकी के संग-साथ ग्रामीण आबादी के जिनगी के बढि़या बनाये म जरूरी भूमिका निभा सकत हावय। मुख्यमंत्री ह किहिन के ये खुशी के बात हावय के ट्रिपल आईटी नया रायपुर ह कृषि, वानिकी अउ ग्रामीण विकास के दिशा म बुता करे के फइसला लिस हावय। कृषि के क्षेत्र म अइसे यंत्र अउ उपकरण विकसित करे  जाएं, जेकर उपयोग साधारण मनखे तको आसानी ले करके सके। मुख्यमंत्री ह किहिन के जइसे आज खेत म दवई मन के छिड़काव के खातिर ड्रोन के उपयोग करे जात हावय।