अंतर्राष्ट्रीय मजदूर दिवस के राजधानी म होही श्रम सम्मेलन, दू मई के आंगनबाड़ी कार्यकर्ता अउ मितानिन मन अउ तीन मई के कोटवार, पटेल अउ होम गार्ड्स के होही सम्मेलन

अंजोर.रायपुर। अंतर्राष्ट्रीय मजदूर दिवस के मउका म श्रम के सम्मान करे खातिर अउ प्रदेस के विकास ल गति दे म मजदूर के बिसेस भूमिका लदेखत राजधानी रायपुर म मजदूर सम्मेलन के आयोजन के फइसला शासन डहर ले गिस। स्थानीय साईंस कॉलेज मैदान म आयोजित सम्मेलन म प्रदेशभर के मजदूर हिस्सा लेही। श्रम विभाग डहर ले मजदूर कल्याण के खातिर चलाये जात योजना मन ले जेन हितग्राही मन के फायदा पहुंचिस हावय, उंकर सम्मान तको सम्मेलन के माध्यम ले करे जाही।

आंगनबाड़ी कार्यकर्ता अउ मितानिन सम्मेलन

येकर संग ही राजधानी रायपुर के साईंस कॉलेज मैदान म 02 मई के आंगनबाड़ी कार्यकर्ता अउ मितानिन मन के सम्मेलन आयोजित करे जाही अउ 3 मई के ग्राम कोटवार, पटेल अउ होम गार्ड्स के सम्मेलन आयोजित होही। ये आयोजन के तइयारी के सिलसिला म मुख्य सचिव अमिताभ जैन ह मंत्रालय महानदी भवन ले वीडियो कॉन्फ्रेंसिंग के जरिए आने-आने विभाग के  अधिकारी मनके बइठक लिस अउ आयोजन के रूपरेखा तय करत स  अधिकारी मनला जिम्मेदारी सौंपिस। 

मुख्य सचिव ह किहिन के श्रम सम्मेलन बर जिम्मेदारी श्रम विभाग, आंगनबाड़ी कार्यकर्ता अउ मितानिन सम्मेलन के जिम्मेदारी महिला अउ बाल विकास विभाग अउ स्वास्थ्य विभाग अउ गांव कोटवार, पटेल अउ होम गार्ड्स सम्मेलन के जिम्मेदारी राजस्व अउ गृह विभाग के होही। सबो कार्यक्रम के समन्वय श्रम सचिव अमृत खलखो करही।

बइठक म मुख्य सचिव ह किहिन के हमेशा ले हमर प्रदेस के मजदूर कड़ी मेहनत करत हावयं अउ बिहनिया बोरे-बासी खाके काम म निकलत हावयं। बोरे अउ बासी छत्तीसगढ़ के परंपरागत खाद्य जिनिस हावयं। ये हमर मेहनतकश संस्कृति ले जुड़ा खाद्य जिनिस हावय अउ गरमी म कड़ी मेहनत के खातिर तइयार करत हावय। मुख्यमंत्री के मंशानुरूप मजदूर दिवस के दिन हम अपन ए लोकप्रिय खाद्य परंपरा के मुताबिक जिला म अइसे कार्यक्रम आयोजित करें, जेमा बोरे-बासी के सुवाद लेके नागरिक श्रम के प्रति अपन कृतज्ञता व्यक्त करें।

बइठक म श्रम विभाग के सचिव अमृत खलखो, राजस्व विभाग के सचिव एनएन एक्का, गृह सचिव अरुण देव गौतम, संचालक जनसंपर्क सौमिल रंजन चौबे, कलेक्टर रायपुर डॉ. सर्वेश्वर नरेंद्र भुरे, नगर निगम रायपुर आयुक्त मयंक चतुर्वेदी अउ आने-आने विभाग के अधिकारी सामिल होइस।