महाप्रभु वल्लभाचार्य के जयंती म ओला सादर नमन

अंजोर.रायपुर। मुख्यमंत्री भूपेश बघेल ह अपन निवास कार्यालय म पुष्टिमार्ग के संस्थापक महाप्रभु वल्लभाचार्य के जयंती के मउका म उंकर छायाचित्र म पुष्प अर्पित करके ओला नमन करिन। ओमन किहिन के वैशाख महीना के कृष्ण पक्ष के एकादशी के वल्लभाचार्य जी के जनम छत्तीसगढ़ के चंपारण म होइस, जेकर ले उंकर गहरा नाता इहां ले बनगे।

भक्तिकालीन श्रीकृष्ण भक्ति शाखा के अग्रणी वल्लभाचार्य जी श्रीनाथ जी के अनन्य भगत रिहिस। ओमन कृष्ण के स्वरूप अउ लीला के वर्णन करत कई ग्रंथ के रचना करिस। ओमन पुष्टिमार्ग के रूप म श्रीकृष्ण के प्रेम अउ स्नेह ले परिपूर्ण भक्ति रद्दा देखाइस। मुख्यमंत्री बघेल ह किहिन के वल्लभाचार्य जइसे महापुरूष के जनम ले छत्तीसगढ़ के धरा तको धन्य होए हावय।