चिकित्सा शिक्षा मंत्री टी.एस. सिंहदेव ह आयुर्वेद कॉलेज म पीजी ब्लॉक के करिन लोकार्पण

अंजोर.रायपुर। स्वास्थ्य अउ परिवार कल्याण अउ चिकित्सा शिक्षा मंत्री टी.एस. सिंहदेव ह रायपुर के नारायण प्रसाद अवस्थी सरकारी आयुर्वेद कॉलेज म स्नातकोत्तर कक्षा के खातिर नवा बने भवन (पीजी ब्लॉक) के लोकार्पण करिन। कॉलेज परिसर म सीजीएमएससी (Chhattisgarh Medical Services Corporation) डहर ले 12 करोड़ 33 लाख 25 हजार रूपिया के लागत ले येकर बनाये करे गे हावय। लोकार्पण कार्यक्रम म विधायकद्वय विकास उपाध्याय अउ कुलदीप जुनेजा, महापौर एजाज ढेबर, चिकित्सा शिक्षा विभाग के सचिव प्रसन्ना आर. अउ आयुष विभाग के संचालक पी. दयानंद तको सामिल होइस।

चिकित्सा शिक्षा मंत्री सिंहदेव ह लोकार्पण के बाद आयुर्वेद कॉलेज के प्राध्यापक अउ पढ़ईया मन ले गोठबात तको करिस। ओमन इहां पढ़त अंडर ग्रेजुएट अउ पोस्ट ग्रेजुएट छात्र-पढ़इया लइका ले कॉलेज म अध्यापन अउ आन बेवस्था के बारे म पूछिस। लोकार्पण कार्यक्रम म प्राचार्य डॉ. जी.एस. बघेल अउ रजिस्ट्रार डॉ. संजय शुक्ला सहित कॉलेज के सबो प्राध्यापकगण अउ छात्र-पढ़इया लइका मौजूद रिहिस।