पीसीपीएनडीटी एक्ट के प्रभावी क्रियान्वयन खातिर स्वास्थ्य मंत्री टी.एस. सिंहदेव ह गैर-सरकारी संगठन संग चर्चा

अंजोर.रायपुर। स्वास्थ्य अउ परिवार कल्याण मंत्री टी.एस. सिंहदेव ह पीसीपीएनडीटी एक्ट के प्रभावी क्रियान्वयन के खातिर आज लिंग भेद अउ अवैध गर्भपात के विरूद्ध काम करे वाला गैर-सरकारी संगठन मन (NGOs) के प्रतिनिधि मन ले गोठबात करिस। स्वास्थ्य मंत्री ह रायपुर निवास कार्यालय म आयोजित बइठक म पीसीपीएनडीटी एक्ट के प्रभावी क्रियान्वयन अउ राज्य म महिला-पुरूष अनुपात बढि़या करे गैर-सरकारी संगठन मन ले फीडबैक लेके सुझाव मांगिस।

राज्य महिला आयोग के अध्यक्ष डॉ. किरणमयी नायक, स्वास्थ्य विभाग के आयुक्त डॉ. सी.आऱ. प्रसन्ना, स्वास्थ्य सेवा के संचालक भीम सिंह, राष्ट्रीय स्वास्थ्य मिशन के संचालक भोसकर विलास संदिपान, पीसीपीएनडीटी एक्ट के समिलहा संचालक डॉ. प्रशांत श्रीवास्तव अउ स्वास्थ्य विभाग के उप संचालक डॉ. महेन्द्र सिंह तको बइठक म सामिल होइस।

स्वास्थ्य अउ परिवार कल्याण मंत्री टी.एस. सिंहदेव

राज्य महिला आयोग के अध्यक्ष डॉ. किरणमयी नायक ह बइठक म सुझाव दीस के महिला-पुरूष असमानता के दूरिहा करे अउ अच्छा लिंगानुपात बनाए रखे के खातिर जागरूक करे हाई स्कूल अउ हायर सेकंडरी स्कूल म लइका के बीच येमा ले जुड़े विषय म वाद-विवाद, भाषण अउ निबंध प्रतियोगिता के आयोजन कराये जा सकत हावय। ओमन बताइन के महिला आयोग डहर ले ये मुद्दा म जागरूकता के खातिर जागरूकता रथ के माध्यम ले प्रचार-प्रसार करे जात हावय। गैर-सरकारी संगठन मन के प्रतिनिधि मन ह सुझाव दे के पीसीपीएनडीटी एक्ट के प्रभावी क्रियान्वयन के खातिर युवा मन के सेंसिटाइज (Sensitise) करे के जरूरत हावय। ए एक्ट के बारे म जागरूक करने, राज्य म बढि़या लिंगानुपात बनाए रखे अउ अवैध गर्भपात के रोके के संबंध म सोशल मीडिया म तको पर्याप्त प्रचार-प्रसार करे जाना चाही।  

पीसीपीएनडीटी एक्ट

पीसीपीएनडीटी एक्ट के समिलहा संचालक डॉ. प्रशांत श्रीवास्तव ह राज्य पर्यवेक्षक मंडल के बइठक म बताइन के राज्य के 14 जिला  के 56 सोनोग्राफी सेंटर्स के राज्य स्तरीय निरीक्षण दल डहर ले निरीक्षण करे गे हावय। निरीक्षण के बखत एक्ट के उल्लंघन पाए जाये म 14 सेंटर्स के नोटिस जारी करके दू के सील करे  जाये अउ एक केंद्र के निलंबन के अनुशंसा के गे हावय। ओमन बताइन के जिला स्तर म गठित निरीक्षण दल डहर ले 853 केन्द्र के निरीक्षण करके एक्ट के उल्लंघन करे वाला 23 सेंटर्स के विरुद्ध कार्रवाई के गे हावय। जिला स्तरीय दल डहर ले 16 सेंटर्स के नोटिस जारी करने, पांच सेंटर्स के सील करे अउ दू सेंटर्स के निलंबन के कार्रवाई के गे हावय। बइठक म गैर-सरकारी संगठन अनमोल फाउंडेशन, सहभागी, प्रदान, समर्थ अउ अर्पण के प्रतिनिधि मन ह अपन सुझाव रखे।