पंचायती राज जतके सशक्त, लोकतंत्र तको ओतके मजबूत होही : मुख्यमंत्री भूपेश बघेल

अंजोर.रायपुर। मुख्यमंत्री भूपेश बघेल ह प्रदेस के पंचायत राज प्रतिनिधि मन के राष्ट्रीय पंचायती राज दिवस के सुभकामना दीस हावयं। मुख्यमंत्री ह अपन संदेश म किहिन के संविधान के 73वें संशोधन के अधिनियमन के चिन्हारी स्वरूप भारत म 24 अप्रैल के राष्ट्रीय पंचायतीराज दिवस मनाये जाथे। ए संशोधन अधिनियम ले स्थानीय स्तर म लोकतंत्र के स्थापना के खातिर पंचायती राज संस्थान ल संवैधानिक स्थिति दीस अउ ओला देश म ग्रामीण विकास के बुता सउपे गिस।

मुख्यमंत्री बघेल ह किहिन के पहिली प्रधानमंत्री राजीव गांधी ह गांव पंचायत मन के संवैधानिक अधिकार अउ जुमेदारी देके राष्ट्रपिता महात्मा गांधी के गांव स्वराज के सपना के साकार करे हावय। छत्तीसगढ़ म पंचायती राज संस्था मन ह जमीनी स्तर म अपन अगुवई क्षमता अउ भागीदारी के साबित करे हावय। संकट के समय म आंगनबाड़ी अउ पीडीएस के माध्यम ले हितग्राही परिवार के राशन पहुंचना हो या मनरेगा के माध्यम ले रोजगार मुहैया कराना, ये सबो काम म सरकार के संग पंचायत मन ह कदम ले कदम मिलाके काम करिन हावय। पंचायती राज संस्था मन जतका सशक्त होही, लोकतंत्र तको ओतका ही मजबूत होही।