पंचकुण्डीय श्रीरुद्र महायज्ञ अउ शिव महापुराण कथा म सामिल होइस मुख्यमंत्री बघेल

अंजोर.रायपुर। प्रदेश के मुख्यमंत्री भूपेश बघेल बेमेतरा जिला के गांव सलधा म आयोजित पंचकुण्डीय श्रीरुद्र महायज्ञ अउ शिव महापुराण कथा म मुख्य पहुना के रूप म सामिल होइस। मुख्यमंत्री बघेल ह जगतगुरु स्वामी अविमुक्तेश्वरानन्द सरस्वती महाराज ले भेंट करिस अउ उंकर ले प्रदेस के सुख समृद्धि के खातिर आशीर्वाद लिस। ए मउका म कृषि मंत्री रविन्द्र चौबे, विधायक बेमेतरा आशीष कुमार छाबड़ा उपस्थित रिहिस।

जानबा हावय के जगतगुरु स्वामी अविमुक्तेश्वरानन्द महाराज के गांव सलधा म 13 अप्रैल ले 20 अप्रैल 2023 तक शिव महापुराण के आयोजन करे जात हावय। गांव सलधा बेमेतरा ले 17 किलोमीटर दूरिहा शिवनाथ नदी के किनारे स्थित हावय, जिहां म सपाद लक्षेश्वर धाम मंदिर बनाये करे जात हावय, ए बड़का मंदिर म सवा लाख शिवलिंग के प्रतिष्ठा करे जाही।