रवीना टंडन ल मिलिस पद्म सम्‍मान, अभिनेता ह एसएस राजामौली, लइका राशा अउ रणबीर के संग खिचाइस फोटो

अंजोर.नई दिल्‍ली। भारत के चौथा सबले बड़का नागरिक सम्मान, पद्म श्री, 5 अप्रैल के नवा दिल्ली म राष्ट्रपति द्रौपदी मुर्मू डहर ले दे गिस। ये मउका अभिनेत्री रवीना टंडन, ऑस्कर विजेता संगीतकार एमएम कीरावनी, तबला वादक जाकिर हुसैन अउ गायिका वाणी जयराम ल मनोरंजन उद्योग ले पद्म ले सम्मानित करे गे हावय। समारोह म सामिल होए के खातिर रवीना अउ एमएम कीरावनी नवा दिल्ली के राष्ट्रपति भवन म मौजूद रिहिस। भव्य कार्यक्रम के दृश्य रवीना ह इंस्टाग्राम म साझा करे हावय।

भारत के राष्ट्रपति के ट्विटर पेज ह रवीना के पुरस्कार मिले एक तस्वीर साझा करिस। प्रशस्ति पाती म लिख रिहिस, "राष्ट्रपति द्रौपदी मुर्मू ह कला के खातिर सुश्री रवीना रवि टंडन ल पद्म दे गिस। एक बहुमुखी अभिनेत्री, ओमन कई पुरस्कार विजेता प्रदर्शन करे हावयं। वो ह एक परोपकारी अउ पर्यावरणविद तको हावयं।"

कार्यक्रम म  राष्ट्रपति मुर्मू ह कला, सामाजिक कार्य, सार्वजनिक मामला, विज्ञान अउ इंजीनियरिंग, व्यापार अउ उद्योग, चिकित्सा, साहित्य, शिक्षा, खेल अउ सिविल सेवा सहित आने-आने श्रेणी के 106 मनखे मनला पुरस्कार दीस।